48 గంటల్లో మ్యాజిక్: రాగ ఆఫ్ రివెంజ్ వెనుక అసలు కథ!
సంగీత సంచలనం అనిరుధ్ రవిచందర్ అద్భుతమైన ట్యూన్లతో ఎప్పుడూ ట్రెండింగ్లో ఉంటారు. తాజాగా ఆయన కంపోజ్ చేసిన రాగ ఆఫ్ రివెంజ్ నేపథ్య సంగీతం సినిమా ప్రియులను, విమర్శకులను విపరీతంగా ఆకట్టుకుంది.
By: Srikanth Kontham | 14 Aug 2026 9:57 PM IST
సంగీత సంచలనం అనిరుధ్ రవిచందర్ అద్భుతమైన ట్యూన్లతో ఎప్పుడూ ట్రెండింగ్లో ఉంటారు. తాజాగా ఆయన కంపోజ్ చేసిన రాగ ఆఫ్ రివెంజ్ నేపథ్య సంగీతం సినిమా ప్రియులను, విమర్శకులను విపరీతంగా ఆకట్టుకుంది. ఈ పాపులర్ ట్రాక్ చుట్టూ ఉన్న ఆసక్తికరమైన విషయాలను సంగీత దర్శకుడు అనిరుధ్ ఇటీవల ఒక ఇంటర్వ్యూలో పంచుకున్నారు. ఈ మ్యాజికల్ ట్రాక్ను సినిమా కోసం ఎంతో కాలం ప్లాన్ చేయలేదని, కేవలం రెండు రోజుల్లోనే దీనిని పూర్తి చేశానని వెల్లడించారు.
ఈ పాటను.. బ్యాక్గ్రౌండ్ స్కోర్ను సినిమా కోసం ప్రత్యేకంగా చాలా రోజుల ముందే రూపొందించిన ట్రాక్ కాదట. ప్రతిష్టాత్మక కేన్ ఫిల్మ్ ఫెస్టివల్ వేదికపై సినిమాను ప్రదర్శించడానికి సిద్ధం చేసిన ప్రత్యేక ట్రైలర్ నిమిత్తం దీనిని అత్యవసరంగా కంపోజ్ చేసినట్లు తెలిపారు. అనుకున్న సమయానికి ట్రైలర్ లాంఛ్ చేయడానికి పకడ్బందీ ఏర్పాట్లు జరగాల్సి ఉండగా సరిగ్గా ఆ గడువులోపు మ్యూజిక్ అందించాల్సిన పెద్ద బాధ్యత అనిరుథ్పై పడింది.
దీంతో ఏమాత్రం ఆలస్యం చేయకుండా రంగంలోకి దిగిన అనిరుధ్ 48 గంటల వ్యవధిలోనే అద్భుతమైన నేపథ్య సంగీతాన్ని కంపోజ్ చేసి అందరినీ ఆశ్చర్యపరిచారు. అంత తక్కువ సమయంలో సిద్ధం చేసినప్పటికీ ఆ ట్యూన్ ఇచ్చిన ఎనర్జీ ..ఎమోషన్ కేన్ ఫెస్టివల్లో సినిమాపై అంచనాలను ఒక్కసారిగా తారాస్థాయికి చేర్చాయి. అత్యంత ఒత్తిడితో కూడిన సమయంలోనూ అసాధారణ క్రియేటివిటీతో అనిరుధ్ సృష్టించిన మ్యాజిక్ ఆయన ప్రతిభకు మరో నిదర్శనంగా నిలిచింది.
సినిమా రంగంలో ఇలాంటి అకస్మాత్తుగా వచ్చే సవాళ్లను సమర్థవంతంగా ఎదుర్కొని పనిచేయడంలో అనిరుధ్ ఎప్పుడూ ముందుంటారని మరోసారి రుజువైంది. సాధారణంగా సినిమాలోని ప్రధాన పాటలు లేదా నేపథ్య సంగీతం తయారవడానికి వారాల తరబడి సమయం పడుతుంది. కానీ రెండు రోజుల్లోనే అంతర్జాతీయ వేదికను మెప్పించే స్థాయి మ్యూజిక్ ఇవ్వడం సాధారణ విషయం కాదు. ఈ ప్రత్యేకమైన అనుభవం తనలోని సృజనాత్మకతను మరింత మెరుగుపరిచిందని అనిరుధ్ ఈ సందర్భంగా గుర్తు చేసుకున్నారు.
రాగ ఆఫ్ రివెంజ్ ట్రాక్ సాధించిన అద్భుతమైన స్పందన చూశాక సినిమా ప్రధాన చిత్రంలో కూడా దీనికి తగిన ప్రత్యేక ప్రాధాన్యత లభించిందని తెలుస్తోంది. కేన్స్ వేదికపై ప్రదర్శితమైన ట్రైలర్ .. బ్యాక్గ్రౌండ్ స్కోర్ చూసిన అంతర్జాతీయ సినీ విమర్శకులు సైతం అనిరుధ్ పనితీరును అభినందించకుండా ఉండలేకపోయారు. ఒక భారతీయ సంగీత దర్శకుడు గ్లోబల్ లెవెల్లో ఇలా ప్రశంసలు అందుకోవడం చిత్ర పరిశ్రమకు కూడా ఎంతో గర్వకారణంగా మారింది.
అనిరుధ్ 48 గంటల్లో సృష్టించిన మ్యాజిక్ మ్యూజిక్ ఇండస్ట్రీలో ట్రెండ్ సెట్టర్గా నిలిచింది. తీవ్రమైన డెడ్లైన్స్ .. పని ఒత్తిడిని సైతం అద్భుతమైన అవకాశంగా మలచుకుని తనదైన బాణీతో శ్రోతలను కట్టిపడేసే అనిరుద్ ప్రతిభే ఈ విజయానికి అసలు సిసలైన కారణం. భవిష్యత్తులోనూ ఇలాంటి మరిన్ని గ్లోబల్ ప్రాజెక్ట్లతో ఆయన మరింత పేరు తెచ్చుకోవాలని అభిమానులు కోరుకుంటున్నారు.