పెళ్లిపై అమీషా పాటేల్ షాకింగ్ కామెంట్స్.. నా లైఫ్ నా ఇష్టం!

ఒకప్పుడు తెలుగు, హిందీ చిత్రాల్లో స్టార్ హీరోయిన్‌గా అలరించిన అమీషా పటేల్ మరోసారి తన వ్యక్తిగత జీవితంపై చేసిన వ్యాఖ్యలతో వార్తల్లో నిలిచారు. 51 ఏళ్ల వయసులోనూ అవివాహితగానే కొనసాగుతున్న ఆమె, పెళ్లిపై తన అభిప్రాయాన్ని కుండబద్దలు కొట్టినట్లు వెల్లడించారు. తాను ఎప్పటికీ పెళ్లి చేసుకోనని, ప్రస్తుతం సింగిల్ జీవితంతో ఎంతో సంతోషంగా ఉన్నానంటూ స్పష్టం చేశారు.

ఆస్క్ మీ ఎనీథింగ్ సెషన్‌లో అభిమాని ప్రశ్న:

సామాజిక మాధ్యమం ఎక్స్ వేదికగా అభిమానులతో నిర్వహించిన ‘ఆస్క్ మీ ఎనీథింగ్’ సెషన్‌లో ఓ నెటిజన్ అమీషాను నేరుగా ప్రశ్నించాడు. "మీరు ఎప్పుడు పెళ్లి చేసుకుంటారు?" ఇక పెళ్లి చేసుకునే ఆలోచన తనకు అసలు లేదని స్పష్టంగా చెప్పేశారు.

సింగిల్‌గా ఉండటమే సంతోషం:

తాను ఎప్పటికీ పెళ్లి చేసుకోనని, ఒంటరిగానే చాలా ఆనందంగా జీవిస్తున్నానని అమీషా పేర్కొన్నారు. నన్ను ప్రాణంగా ప్రేమించే కుటుంబ సభ్యులు, ప్రాణస్నేహితులు దాదాపు 100 మంది ఉన్నారు. వారందరి ప్రేమాభిమానాలు నాకు పుష్కలంగా లభిస్తున్నప్పుడు, ఎవరో ఒక వ్యక్తి వచ్చి నా జీవితాన్ని, నా ఆనందాన్ని మార్చేయడాన్ని నేను అంగీకరించలేనని సరదాగా వ్యాఖ్యానించారు.

నెటిజన్ల భిన్నాభిప్రాయాలు:

అమీషా పటేల్ చేసిన ఈ వ్యాఖ్యలు క్షణాల్లో సోషల్ మీడియాలో వైరల్‌గా మారాయి. ఆమె కామెంట్స్‌పై నెటిజన్లు భిన్న రకాలుగా స్పందిస్తున్నారు. ఇక ప్రతి ఒక్కరికీ తమ జీవితాన్ని తమకు నచ్చిన విధంగా గడిపే హక్కు ఉందని, ఆమె నిర్ణయం సరైనదేనని కొందరు మద్దతు తెలుపుతున్నారు. ఇక మరికొందరు మాత్రం పెళ్లి అనేది జీవితంలో ఒక ముఖ్యమైన ఘట్టమని కామెంట్లు చేస్తున్నారు.

బాక్సాఫీస్ వద్ద విజయం:

ఇటీవల సన్నీ డియోల్ సరసన నటించిన 'గదర్ 2' చిత్రంతో అమీషా పటేల్ అదిరిపోయే కంబ్యాక్ ఇచ్చారు. సకీనా పాత్రలో ఆమె నటన ప్రేక్షకులను కట్టిపడేయడంతో ఈ చిత్రం ప్రపంచవ్యాప్తంగా వందల కోట్ల భారీ వసూళ్లను రాబట్టింది. ఇక ఆ తర్వాత 'తౌబా తేరా జల్వా' చిత్రంలో కనిపించిన అమీషా, ప్రస్తుతం తన తదుపరి సినిమాలపై దృష్టి సారిస్తున్నారు.

ఎవరి అభిప్రాయాలు వారివైనప్పటికీ, 51 ఏళ్ల వయసులో కూడా ఎవరిపై ఆధారపడకుండా తనదైన శైలిలో స్వతంత్రంగా జీవిస్తున్న అమీషా పటేల్ ధోరణిని చాలామంది ప్రశంసిస్తున్నారు. ఇక సమాజం ఏమనుకుంటుందో అని ఆలోచించకుండా నా లైఫ్ నా ఇష్టం అంటూ ఆమె ఇచ్చిన స్పష్టమైన సమాధానం ఇప్పుడు నెట్టింట తెగ హల్‌చల్ చేస్తోంది.