బ‌న్ని-స్నేహ‌పైనే క‌ళ్ల‌న్నీ.. ఎందుకంటే?

అల్లు శిరీష్ - నైనికల వివాహ వేడుకలో ఐకాన్ స్టార్ అల్లు అర్జున్.. ఆయన సతీమణి స్నేహారెడ్డి దంపతులు ప్రత్యేక ఆకర్షణగా నిలిచారు. తమ్ముడి పెళ్లిని ఒక పండుగలా నిర్వహించడంలో ఈ జంట అన్నీ తానై వ్యవహరించింది. అన్నయ్యగా, వదినగా ప్రతి చిన్న విషయాన్ని దగ్గరుండి పర్యవేక్షిస్తూ.. వేడుక ఆద్యంతం ఎంతో బాధ్యతాయుతంగా మెలిగారు. వారి సమక్షం పెళ్లికి ఒక కొత్త కళను తీసుకువచ్చింది.

ప్రీ-రిసెప్షన్, ప్రధాన వివాహ వేడుకల్లో అతిథులందరినీ చిరునవ్వుతో ఆహ్వానిస్తూ బన్నీ-స్నేహ జంట ఎంతో హుందాగా కనిపించింది. చిత్ర పరిశ్రమకు చెందిన ప్రముఖులు, రాజకీయ నాయకులు, బంధుమిత్రులను ఆత్మీయంగా పలకరిస్తూ వారు ప్రదర్శించిన నేర్పు అందరినీ ఆకట్టుకుంది. కేవలం అతిథులను రిసీవ్ చేసుకోవడమే కాకుండా, పెళ్లి పనుల్లో చురుగ్గా పాల్గొంటూ ఈ వేడుకను గ్రాండ్ సక్సెస్ చేయడంలో కీలక పాత్ర పోషించారు.

శిరీష్ పెళ్లి ఆల్బమ్‌లో అల్లు అర్జున్ - స్నేహారెడ్డిల ఫోటోషూట్స్ అత్యంత అందంగా అమ‌రాయి. ప్రతి ఫ్రేమ్‌లోనూ ఈ జంట ఎంతో చూడముచ్చటగా, అన్యోన్యంగా కనిపించింది. వారు ధరించిన దుస్తుల నుండి వారు ప్రదర్శించిన హావభావాల వరకు అన్నీ కూడా సోషల్ మీడియాలో వైరల్ అయ్యాయి. శిరీష్ జీవితంలోని ఈ మధుర ఘట్టంలో అన్నయ్య, వదినల ఉనికి ఒక మరుపురాని జ్ఞాపకంగా నిలిచిపోతుందనడంలో అతిశయోక్తి లేదు.

ఈ వివాహ వేడుకలో అల్లు అర్జున్ - స్నేహారెడ్డిల స్టైల్ స్టేట్‌మెంట్ గురించి ప్రత్యేకంగా చెప్పుకోవాలి. అల్లు అర్జున్ ఒక రిచ్ వైట్ షేర్వానీ.. జ‌రీ అంచు పంచె క‌ట్టులో అత్యంత స్టైలిష్‌గా, రాయల్ లుక్‌లో కనిపించారు. ఇక స్నేహారెడ్డి తన ఫ్యాషన్ సెన్స్‌తో మరోసారి అందరినీ మంత్రముగ్ధులను చేశారు. ఆమె ధరించిన అంద‌మైన డిజైన‌ర్ చీర‌, దానికి జతగా వేసుకున్న డైమండ్ నెక్లెస్ ఒక దేవకన్య రూపాన్ని ఆపాదించాయి. ఈ జంట కలర్ కోఆర్డినేషన్ వేడుకలో ప్రత్యేక హైలైట్‌గా నిలిచింది.

సోషల్ మీడియాలో వైరల్ అవుతున్న ఒక ఫోటోలో స్నేహారెడ్డి తన కుమారుడు అల్లు అయాన్‌తో ఎంతో ప్రేమగా కనిపిస్తున్నారు. ఆ ఫోటోలో అయాన్ తన తల్లిని ఆత్మీయంగా హత్తుకోగా, స్నేహారెడ్డి తన కుమారుడిని ఎంతో వాత్సల్యంతో చూస్తున్నారు. తల్లి కొడుకుల మధ్య ఉన్న ఈ అపురూపమైన బంధం చూసేవారికి ఎంతో ముచ్చటగా ఉంది. అయాన్ కూడా తన తండ్రిలాగే ట్రెడిషనల్ వేర్‌లో ఎంతో క్యూట్‌గా కనిపిస్తూ నెటిజన్ల మనసు గెలుచుకుంటున్నాడు.

అల్లు అర్జున్ `పుష్ప 2` విజయం తర్వాత అట్లీతో సైన్స్ ఫిక్ష‌న్ సినిమాలో న‌టిస్తూ ఫుల్ బిజీగా ఉన్నాడు. ఇప్పుడు తమ్ముడి పెళ్లిలో ఇలా రిలాక్స్‌డ్‌గా ఫ్యామిలీతో గడపడం అభిమానులకు ఎంతో సంతోషాన్నిస్తోంది. పుష్ప‌రాజ్ పాత్ర‌తో జాతీయ అవార్డ్ గెలుచుకున్న అల్లు అర్జున్ తాజా చిత్రంతోను మ‌రోసారి జాతీయ‌, అంత‌ర్జాతీయ స్థాయి అవార్డుల‌లో మెరుపులు మెరిపిస్తాడ‌ని అంచ‌నా వేస్తున్నారు.