బన్నీ కోసం మరో బాలీవుడ్ భామ

టాలీవుడ్ ఐకాన్ స్టార్ అల్లు అర్జున్ ఇప్పుడు కేవలం సౌత్ హీరో మాత్రమే కాదు, గ్లోబల్ లెవల్ క్రేజ్ ఉన్న స్టార్. పుష్ప సినిమాతో నేషనల్ లెవల్‌లో మార్కెట్ క్రియేట్ చేసుకున్న బన్నీ, తన తర్వాతి సినిమాల విషయంలో చాలా పక్కాగా అడుగులు వేస్తున్నారు. కేవలం కథల విషయంలోనే కాకుండా, తన పక్కన నటించే హీరోయిన్ల ఎంపికలో కూడా ఒక కొత్త ట్రెండ్ ఫాలో అవుతున్నట్లు కనిపిస్తోంది. సాధారణంగా కొత్త హీరోయిన్లను లేదా చిన్న స్టార్లను కాకుండా, ఏకంగా బాలీవుడ్ టాప్ సెలబ్రిటీలను తన ప్రాజెక్టుల్లోకి తీసుకొస్తున్నారు.

అల్లు అర్జున్ లైనప్ గమనిస్తే అన్నీ భారీ బడ్జెట్ సినిమాలే కనిపిస్తున్నాయి. అట్లీ దర్శకత్వంలో రాబోతున్న AA23 ఇప్పటికే షూటింగ్ పనుల్లో బిజీగా ఉంది. ఈ సినిమా కోసం ఏకంగా దీపికా పదుకొణెను హీరోయిన్‌గా ఎంపిక చేసిన విషయం తెలిసిందే. ఒక పక్కా పాన్ ఇండియా అపీల్ రావాలంటే ఇలాంటి కాంబినేషన్లు చాలా అవసరమని మేకర్స్ భావిస్తున్నారు. ఈ ప్రాజెక్ట్ తర్వాత బన్నీ.. సెన్సేషనల్ డైరెక్టర్ లోకేశ్ కనగరాజ్‌తో కలిసి వర్క్ చేయబోతున్నారు. ఈ క్రేజీ కాంబోపై ఇప్పటికే అఫీషియల్ క్లారిటీ వచ్చేసింది.

ఇప్పుడు అసలు ఇంట్రెస్టింగ్ మ్యాటర్ ఏంటంటే.. లోకేశ్ కనగరాజ్ ప్రాజెక్ట్ కోసం కూడా ఒక బాలీవుడ్ స్టార్ హీరోయిన్ పేరు గట్టిగా వినిపిస్తోంది. లేటెస్ట్ సమాచారం ప్రకారం ఈ సినిమాలో బన్నీ సరసన శ్రద్ధా కపూర్ నటించే అవకాశం ఉన్నట్లు ఫిలిం నగర్ వర్గాల్లో టాక్ నడుస్తోంది. అట్లీ సినిమాలో దీపికాను సెట్ చేసినట్లే, లోకేశ్ సినిమాలో శ్రద్ధాను దించేందుకు చర్చలు సాగుతున్నాయట. ఇదే నిజమైతే బన్నీకి బాలీవుడ్ మార్కెట్ లో మరింత పట్టు దొరికినట్లే.

ఈ మధ్య కాలంలో పాన్ ఇండియా మార్కెట్ పెరగడంతో, హిందీ ఆడియన్స్‌కు బాగా తెలిసిన హీరోయిన్లు ఉండటం సినిమా బిజినెస్‌కు పెద్ద ప్లస్ అవుతోంది. శ్రద్ధా కపూర్‌కు ఇప్పటికే తెలుగులో మంచి గుర్తింపు ఉంది. ప్రభాస్‌తో చేసిన 'సాహో' సినిమాతో మన ప్రేక్షకులకు ఆమె దగ్గరయ్యారు. ఇప్పుడు బన్నీ లాంటి మాస్ హీరోతో, లోకేశ్ లాంటి డైరెక్టర్ మేకింగ్‌లో ఆమె నటిస్తే ఆ ఇంపాక్ట్ వేరే లెవల్‌లో ఉంటుందని ఫ్యాన్స్ భావిస్తున్నారు. ఈ కాంబినేషన్‌పై అఫీషియల్ అనౌన్స్‌మెంట్ రావాల్సి ఉంది.

బన్నీ వరుసగా ఇలా సీనియర్ బాలీవుడ్ స్టార్లను ఎంచుకోవడం వెనుక ఒక స్ట్రాటజీ ఉన్నట్లు కనిపిస్తోంది. కొత్త హీరోయిన్లతో ప్రయోగాలు చేయడం కంటే, వెయిటేజ్ ఉన్న స్టార్లను తీసుకుంటే సినిమా రేంజ్ గ్లోబల్ లెవల్‌లో ఉంటుందని ఆయన నమ్ముతున్నారట. అట్లీ దీపికా కాంబోకి వస్తున్న రెస్పాన్స్ చూస్తుంటే ఇది కరెక్ట్ అనిపిస్తోంది. ఇప్పుడు శ్రద్ధా కపూర్ కూడా తోడైతే లోకేశ్ కనగరాజ్ సినిమాకి నార్త్ బాక్సాఫీస్ దగ్గర తిరుగుండదు.

అల్లు అర్జున్ తన సినిమాలను ఇంటర్నేషనల్ స్కేల్‌లో ప్రెజెంట్ చేయడానికి గట్టిగానే స్కెచ్ వేస్తున్నారు. అట్లీ సినిమాలో మాస్ విజువల్స్, లోకేశ్ సినిమాలో ఇంటెన్స్ డ్రామా.. వీటి మధ్యలో బాలీవుడ్ భామల గ్లామర్ యాడ్ అయితే థియేటర్లలో పూనకాలు గ్యారెంటీ. ఈ క్రేజీ అప్‌డేట్స్ చూస్తుంటే బన్నీ బాక్సాఫీస్ దగ్గర ఒక పెద్ద సునామీని ప్లాన్ చేస్తున్నట్లు స్పష్టమవుతోంది. శ్రద్ధా కపూర్ ఎంట్రీపై మరిన్ని వివరాలు తెలియాలంటే అఫీషియల్ స్టేట్‌మెంట్ వచ్చే వరకు వెయిట్ చేయాల్సిందే.