అట్లీ మాంచి స్పీడు మీదున్నాడుగా!

పుష్ప‌2 సినిమాతో పాన్ ఇండియా స్థాయిలో త‌న మార్కెట్ ను, క్రేజ్‌ను పెంచుకున్న ఐకాన్ స్టార్ అల్లు అర్జున్ త‌న త‌ర్వాతి సినిమాను స్టార్ డైరెక్ట‌ర్ అట్లీతో చేస్తున్న సంగ‌తి తెలిసిందే. సైన్స్ ఫిక్ష్ సినిమాగా తెర‌కెక్కుతున్న ఈ సినిమా షూటింగ్ శ‌ర‌వేగంగా జ‌రుగుతుంది. ఈ సినిమా విష‌యంలో కాస్టింగ్ నుంచి టెక్నిక‌ల్ టీమ్ వ‌ర‌కు ఏ అంశంలోనూ మేక‌ర్స్ రాజీ ప‌డ‌టం లేదు.

భారీ స్థాయిలో విజువ‌ల్ ఎఫెక్ట్స్

ఈ మూవీలో బాలీవుడ్ స్టార్ దీపికా ప‌దుకొణె బ‌న్నీకి జోడీగా న‌టిస్తుండ‌గా, త‌మిళ క‌మెడియ‌న్ యోగి బాబు కీల‌క పాత్ర‌లో క‌నిపించ‌నున్నారు. బ‌న్నీ- అట్లీ క‌ల‌యిక‌లో తెర‌కెక్క‌నున్న ఈ మూవీ ఇండియ‌న్ సినిమాల్లోనే ప్ర‌తిష్టాత్మ‌క ప్రాజెక్టుగా రూపొందుతుంది. ఈ సినిమాలో విజువ‌ల్స్ ఎఫెక్ట్స్ భారీ స్థాయిలో ఉప‌యోగించ‌నుండ‌గా వాటి కోసం మేక‌ర్స్ హాలీవుడ్ నుంచి టెక్నీషియ‌న్ల‌ను రంగంలోకి దింపింది.

50 రోజుల షూటింగ్ పూర్తి చేసుకున్న AA22xA6

ఈ సినిమా నిర్మాణంలో వివిధ అంత‌ర్జాతీయ స్టూడియోలు కూడా స‌హ‌కరిస్తాయ‌ని ప్ర‌చారాలు జ‌రుగుతున్నాయి. కాగా ఇందులో అల్లు అర్జున్ పాత్ర యానిమేటెడ్ వెర్ష‌న్ లో డిఫ‌రెంట్ పాత్ర‌ల్లో క‌నిపించ‌నున్నార‌ని టాక్ వినిపిస్తోంది. AA22xA6 వ‌ర్కింగ్ టైటిల్ తో తెర‌కెక్కుతున్న ఈ సినిమా గురించి తాజాగా ఓ అప్డేట్ వినిపిస్తోంది. ఇప్ప‌టికే అల్లు అర్జున్- అట్లీ మూవీ అప్పుడే 50 రోజుల షూటింగ్ ను పూర్తి చేసుకుంద‌ట‌. చూస్తుంటే అట్లీ ఈ సినిమాను అనుకున్న దాని కంటే వేగంగానే పూర్తి చేసేలా క‌నిపిస్తున్నారు.

రొటీన్ జాన‌ర్ల‌కు భిన్నంగా..

ఈ సినిమాను అట్లీ రొటీన్ జాన‌ర్ల‌కు భిన్నంగా చాలా డిఫ‌రెంట్ జాన‌ర్ లో తెర‌కెక్కిస్తున్నార‌ని, ప్యూర్ పాన్ వ‌ర‌ల్డ్ అప్పీల్ కంటెంట్ తో చాలా భారీగా తీస్తున్నార‌ని అంటున్నారు. స‌న్ పిక్చ‌ర్స్ బ్యాన‌ర్ లో క‌ళానిధి మార‌న్ భారీ బ‌డ్జెట్ తో నిర్మిస్తున్న ఈ సినిమాను 2027లో ప్రేక్ష‌కుల ముందుకు తీసుకురావ‌డానికి మేక‌ర్స్ స‌న్నాహాలు చేస్తున్న‌ట్టు తెలుస్తోంది.