అఖండ 2.. ఈసారి 'జాజికాయ జాజికాయ'

'అఖండ 2' నుంచి మొదటి పాటగా వచ్చిన "అఖండ తాండవం" స్పిరిట్యువల్ వైబ్స్‌తో ఫ్యాన్స్‌కు పూనకాలు తెప్పించింది. అది అఘోరా విశ్వరూపం అయితే, ఇప్పుడు నాణేనికి రెండో వైపు చూపించడానికి బోయపాటి శ్రీను సిద్ధమయ్యారు. బాలకృష్ణలోని అసలైన మాస్ ఎనర్జీని, కమర్షియల్ హంగామాను పరిచయం చేస్తూ సినిమా నుంచి రెండో సింగిల్‌పై సాలిడ్ అప్‌డేట్ వచ్చేసింది.

ఈసారి మేకర్స్ వదిలిన పోస్టర్ సోషల్ మీడియాలో సెగలు పుట్టిస్తోంది. బాలకృష్ణ సినిమాలో డబుల్ రోల్స్ లో కనిపించనున్న విషయం తెలిసిందే. ఇక లేటెస్ట్ పోస్టర్‌లో బాలకృష్ణ స్టైలిష్ మోడ్రన్ లుక్‌లో కనిపించారు. అయితే, అందరి దృష్టినీ ఆకర్షించింది మాత్రం స్టార్ హీరోయిన్ సంయుక్త. బాలయ్య పక్కన నిల్చుని, ఊహించని రేంజ్‌లో సూపర్ గ్లామరస్ అవతార్‌లో సంయుక్త కనిపించడం.. ఇది పక్కా స్పెషల్ సాంగ్ అని కన్ఫర్మ్ చేస్తోంది. ఈ క్రేజీ మాస్ నంబర్‌ "జాజికాయ జాజికాయ" అనే క్యాచీ లిరిక్స్ తో రాబోతోంది.

'అఖండ 2' ఆల్బమ్ నుంచి రెండో సింగిల్‌గా రాబోతున్న ఈ "జాజికాయ జాజికాయ" లిరికల్ వీడియోను నవంబర్ 18న విడుదల చేయనున్నట్లు మేకర్స్ అధికారికంగా ప్రకటించారు. మొదటి పాటతో డివోషనల్ పీక్స్‌ను టచ్ చేసిన థమన్, ఇప్పుడు ఈ పాటతో అసలైన మాస్ బీట్ అంటే ఎలా ఉంటుందో రుచి చూపించబోతున్నాడు.

ఈ పాటను కేవలం యూట్యూబ్‌లో విడుదల చేసి వదిలేయడం లేదు. ఈ ఒక్క పాట కోసమే భారీ స్థాయిలో గ్రాండ్ గా ప్లాన్ చేశారు. నవంబర్ 18న సాయంత్రం 5 గంటల నుంచి, మాస్ ఆడియన్స్‌కు అడ్డా అయిన వైజాగ్‌లోని ప్రఖ్యాత జగదాంబ థియేటర్‌లో ఈ సాంగ్ లాంచ్ ని నిర్వహించనున్నారు. ఒక పాట కోసం ఇలా థియేటర్లో ఈవెంట్ చేస్తున్నారంటే, దీనిపై టీమ్ ఎంత కాన్ఫిడెంట్‌గా ఉందో అర్థం చేసుకోవచ్చు.

బోయపాటి బాలయ్య కాంబోలో వచ్చే స్పెషల్ సాంగ్స్‌కు ఎప్పుడూ భారీ క్రేజ్ ఉంటుంది. ఇప్పుడు ఆ ఫార్ములాకు సంయుక్త గ్రేస్, గ్లామర్ కూడా తోడవడంతో ఈ పాట సినిమాకు అతిపెద్ద హైలైట్‌గా నిలవడం ఖాయం. బాలయ్య ఎనర్జీ, సమంత డ్యాన్స్, థమన్ మ్యూజిక్.. ఈ మూడు కలిస్తే థియేటర్లలో రచ్చ ఏ స్థాయిలో ఉంటుందో అని ఫ్యాన్స్ ఆసక్తిగా ఎదురుచూస్తున్నారు. ఇక సినిమా రిలీజ్ (డిసెంబర్ 5) దగ్గర పడుతుండటంతో 'అఖండ 2' టీమ్ ప్రమోషన్ల వేగాన్ని పెంచింది. ఇప్పటికే "తాండవం" సాంగ్ చార్ట్‌బస్టర్‌గా నిలవగా, ఇప్పుడు ఈ "జాజికాయ జాజికాయ" మాస్ నంబర్ యూట్యూబ్‌ను షేక్ చేయడానికి సిద్ధమైంది. మరి ఈ సాంగ్ ఏ రేంజ్ లో క్లిక్ అవుతుందో చూడాలి.