జయకృష్ణకు హిట్ ఇస్తే గేమ్ చేంజ్.. అజయ్ భూపతి ప్లాన్ ఇదే

ఘట్టమనేని ఫ్యామిలీ నుంచి మరో వారసుడు వెండితెరకు పరిచయం కాబోతున్నాడు. సూపర్ స్టార్ మహేష్ బాబు అన్నయ్య, దివంగత రమేష్ బాబు కొడుకు జయకృష్ణ ఘట్టమనేని హీరోగా నటిస్తున్న ‘శ్రీనివాస మంగాపురం’ వచ్చే నెల 9న విడుదలవుతోంది. ప్రయోగాలకు కేరాఫ్ అడ్రస్‌గా నిలిచిన డైరెక్టర్ అజయ్ భూపతి ఈ సినిమాతో జయకృష్ణను గ్రాండ్‌గా లాంచ్ చేయబోతున్నాడు. ఈ క్రేజీ ప్రాజెక్ట్ కి హిట్ ఇస్తే అజయ్ రేంజ్ పెరగడమే కాకుండా, ఆయన కెరీర్ గేమ్ చేంజ్ అవ్వడం ఖాయంగా కనిపిస్తోంది. ఆ వివరాలు చూద్దాం..

ఈసారి పక్కా మాస్ రూట్:

ఆర్ఎక్స్ 100, మంగళవారం వంటి సినిమాలతో డిసెంట్ సక్సెస్ అందుకున్న అజయ్ భూపతి ఎప్పుడూ డిఫరెంట్ కథలనే ఎంచుకుంటాడు. అయితే ఈసారి జయకృష్ణ కోసం ఆయన రూట్ మార్చాడు. 'శ్రీనివాస మంగాపురం' ఒక ప్యూర్ లవ్ స్టోరీ అయినప్పటికీ, ఇందులో థియేటర్లలో ఈలలు వేయించే రేంజ్‌లో పక్కా మాస్, కమర్షియల్ ఫ్లేవర్ ఉండేలా ప్లాన్ చేశాడు. ఇక ఈ మాస్ కంటెంట్ కొత్త హీరోకు ప్లస్ అవుతుందని అజయ్ గట్టి నమ్మకంతో ఉన్నాడు.

మహేష్ బాబు గుడ్ బుక్స్ లో చోటు:

గతంలో రామ్ చరణ్‌ను పూరీ జగన్నాథ్, మహేష్, బన్నీలను రాఘవేంద్రరావు సక్సెస్‌ఫుల్‌గా ఇండస్ట్రీకి పరిచయం చేశారు. ఇప్పుడు అజయ్ భూపతి కూడా అదే రేంజ్‌లో జయకృష్ణకు ఒక బంపర్ హిట్ ఇస్తే, ఆయన క్రేజ్ నెక్స్ట్ లెవెల్‌కు వెళ్తుంది. అంతేకాకుండా తన అన్న కొడుకును సక్సెస్‌ఫుల్‌గా లాంచ్ చేసినందుకు మహేష్ బాబు గుడ్ బుక్స్ లో కూడా అజయ్ చోటు సంపాదించుకుంటాడు. ఇక దీనివల్ల భవిష్యత్తులో మరిన్ని మెరుగైన అవకాశాలు వస్తాయి.

ప్రీ-రిలీజ్ ఈవెంట్‌కు మహేష్ బాబు చీఫ్ గెస్ట్:

సొంత అన్నయ్య కొడుకు సినిమా కావడం, వెనుక అశ్వినిదత్ లాంటి అగ్ర నిర్మాతల సపోర్ట్ ఉండటంతో ఈ సినిమాకు భారీ బిజినెస్ జరుగుతోంది. వచ్చే వారం జరగబోయే గ్రాండ్ ప్రీ-రిలీజ్ ఈవెంట్‌కు మహేష్ బాబు ముఖ్య అతిథిగా రాబోతున్నారు. తన అల్లుడి లాంచింగ్ మూవీ గురించి మహేష్ ఏం మాట్లాడబోతున్నారా అని అటు అభిమానులు, ఇటు చిత్ర యూనిట్ ఎంతో ఆత్రుతగా ఎదురుచూస్తున్నారు.

కలెక్షన్ కింగ్ మోహన్ బాబు స్పెషల్ అట్రాక్షన్:

ఈ సినిమాలో సీనియర్ హీరోయిన్ రవీనా టాండన్ కూతురు రషా తదాని హీరోయిన్‌గా పరిచయం అవుతోంది. అన్నింటికంటే ముఖ్యంగా, కలెక్షన్ కింగ్ మోహన్ బాబు ఇందులో ఒక పవర్‌ఫుల్ పాత్ర పోషించడం సినిమాకు పెద్ద అసెట్. గతంలో రమేష్ బాబుతో కలిసి నటించిన మోహన్ బాబు.. ఇప్పుడు ఆయన కొడుకు జయకృష్ణతోనూ స్క్రీన్ షేర్ చేసుకోవడం విశేషం.

అజయ్ భూపతికి ఈ శ్రీనివాస మంగాపురం సినిమాతో మెప్పించాల్సిన బాధ్యత ఎక్కువగా ఉంది. ఘట్టమనేని వారసత్వాన్ని నిలబెడుతూ జయకృష్ణను ఒక మాస్ హీరోగా ప్రెజెంట్ చేయడంలో అజయ్ సక్సెస్ అయితే, ఇండస్ట్రీలో ఆయన రేంజ్ మారిపోతుంది. వచ్చే నెల 9న రాబోతున్న ఈ సినిమా బాక్సాఫీస్ దగ్గర ఎలాంటి మ్యాజిక్ క్రియేట్ చేస్తుందో చూడాలి.