ట్రెండీ స్టోరి: ఈ న‌టీమ‌ణుల‌కు పొగ‌రు.. అందుకే ఈలా అయింది!

సినీ పరిశ్రమలో త్వరగా స్టార్‌డమ్ సంపాదించుకున్న నటీమణులపై అహంభావం ప్రచారం కావడం .. దానివల్ల వారు అవకాశాలు కోల్పోవడం సర్వసాధారణంగా మారుతోంది. తాజాగా అతి తక్కువ కాలంలోనే టాలీవుడ్‌లో అగ్ర హీరోలతో నటించి క్రేజ్ తెచ్చుకున్న శ్రీలీలపై కూడా ఇలాంటి విమర్శలే వచ్చాయి. మహేష్- పవన్ వంటి స్టార్ల సరసన నటించిన ఈ బ్యూటీ ఇటీవల కొన్ని సినిమాలు పరాజయం పాలవడంతో పాటు అఖిల్ `లెనిన్` చిత్రం నుండి తప్పుకోవడం హాట్ టాపిక్‌గా మారింది. ఆమెకు పొగరు పెరిగి తోటి నటీనటులను గౌరవించడం లేదంటూ సోషల్ మీడియాలో జోరుగా ప్రచారం సాగింది. అయితే ఈ రూమర్స్‌ను శ్రీలీల తీవ్రంగా ఖండించడమే కాకుండా..త్వరలో నందమూరి మోక్షజ్ఞ సరసన భారీ అవకాశం అందుకుంటుందనే వార్తలతో వాటన్నింటికి చెక్ పెట్టే ప్రయత్నం చేస్తున్నారు.

ఇలాంటి పరిస్థితులు ఎదుర్కోవడం కేవలం శ్రీలీలకు మాత్రమే కొత్త కాదు.. గతంలోనూ చాలామంది ప్రముఖ హీరోయిన్లు అహంభావం.. పారితోషికం వివాదాల కారణంగా విమర్శలను ఎదుర్కొన్నారు. టాలీవుడ్‌లో ఒక వెలుగు వెలిగిన పూజా హెగ్డే సైతం తన చుట్టూ ఉండే పరివారం (పెద్ద టీమ్) పారితోషికాలు, వ్య‌క్తిగ‌త‌ ప్రవర్తన కారణంగా అహంకారిగా ముద్ర వేయించుకున్నారనే ప్రచారం గట్టిగా జరిగింది. అదేవిధంగా చిన్న వయసులోనే ఊహించని పాపులారిటీ తెచ్చుకున్న అవికా గోర్ కూడా కెరీర్ మొదట్లో ఇలాంటి పుకార్లను ఎదుర్కొని కొన్ని అవకాశాలను చేజార్చుకోవాల్సి వచ్చింది.

టాలీవుడ్, కోలీవుడ్ అనే తేడా లేకుండా దక్షిణాది చిత్రసీమలో చాలామంది నాయికలు తమ విజయాల జోరులో ఉన్నప్పుడు ఇలాంటి రూమర్ల బారిన పడ్డారు. సెట్స్‌లో దర్శకులతో వ్యవహరించే తీరు.. పారితోషికం డిమాండ్లు ..మీడియా ముందు ప్రవర్తించే విధానం కారణంగా ఎంతో మంది రైజింగ్ హీరోయిన్లు అవకాశాలు కోల్పోయిన దాఖలాలు ఉన్నాయి. స్టార్‌డమ్ తలకెక్కిందనే ప్రచారం ఒక్కసారి ఇండస్ట్రీలో బలపడితే ఎంతటి టాలెంటెడ్ నటికైనా ద‌ర్శ‌క‌నిర్మాతలు దూరంగా ఉండే పరిస్థితి ఏర్పడుతుంది.

ఇక బాలీవుడ్ విషయానికి వస్తే.. అహంభావం - వివాదాస్పద వ్యాఖ్యల వల్ల కెరీర్‌ను దెబ్బతీసుకున్న నటీమణుల జాబితా పెద్దదే ఉంటుంది. తన కఠినమైన స్వభావం, తోటి నటులపై వివాదాస్పద విమర్శలు చేయడం వల్ల కంగనా రనౌత్ క్రమంగా బాలీవుడ్ పరిశ్రమలో పెద్దగా అవకాశాలు లేకుండా చేసుకున్నారు. అలాగే గ్లోబల్ స్టార్‌గా ఎదిగే క్రమంలో ప్రియాంక చోప్రా సైతం హిందీ పరిశ్రమలో కొంతకాలం పాటు ఇదే రకమైన వర్గ రాజకీయాలు, అహంభావపు ఆరోపణలను ఎదుర్కొని చివరకు హాలీవుడ్ బాట పట్టాల్సి వచ్చింది.

మొత్తంగా చూస్తే.. గ్లామర్ ప్రపంచంలో పేరు ప్రఖ్యాతలు ఎంత వేగంగా వస్తాయో.. చిన్న పొరపాటు లేదా తప్పుడు ప్రచారం వల్ల కెరీర్ కూడా అంతే వేగంగా పతనమయ్యే ప్రమాదం ఉంది. శ్రీలీల నుంచి కంగనా రనౌత్ వరకు ఎవరి ఉదంతం చూసినా.. కేవలం నటన మాత్రమే కాకుండా సహచరులతో సత్సంబంధాలు, వినయమే నటీమణుల సుదీర్ఘ ప్రయాణానికి అసలైన శ్రీరక్ష అని నిరూపిస్తున్నాయి. అయితే కొన్నిసార్లు ప‌రిస్థితుల ప్ర‌భావంతో త‌ప్పుడు విష‌యాలు వేగంగా వైర‌ల్ అయిపోవ‌డం న‌టీమ‌ణుల‌కు ముప్పుగా మారుతోంద‌నేది గ్ర‌హించాలి.