స్టార్ వారసుడు టాలీవుడ్ ల్యాండింగ్ కి రెడీ!
అభిషేక్ బచ్చన్ నటనలో ప్రత్యేకమైన గాంభీర్యం ఉంటుంది. `గురు`, `పా` వంటి చిత్రాల్లో ఆయన చూపిన ప్రతిభ సౌత్ ప్రేక్షకులకు కొత్తేమీ కాదు.
By: Srikanth Kontham | 11 July 2026 5:00 AM IST
బాలీవుడ్ స్టార్ హీరో.. బిగ్ బి తనయుడు అభిషేక్ బచ్చన్ టాలీవుడ్లో అడుగుపెట్టబోతున్నాడనే వార్త సినీ వర్గాల్లో ఆసక్తికర చర్చకు దారితీస్తోంది. ఇప్పటికే సౌత్ ఇండియన్ చిత్రాలపై ఆసక్తిని కనబరుస్తున్న అభిషేక్ తెలుగు పాన్-ఇండియా చిత్రాల్లో నటించేందుకు సుముఖంగా ఉన్నారని బాలీవుడ్ మీడియాలో కథనాలొస్తున్నాయి. స్టార్ వారసుడిగా తనకంటూ ప్రత్యేక గుర్తింపు తెచ్చుకున్న అభిషేక్ దక్షిణాది ప్రేక్షకుల గుండెల్లో చోటు సంపాదించు కోవడానికి సిద్ధమవుతున్నట్లు కనిపిస్తోంది.
ప్రస్తుతం సౌత్ లో పాన్-ఇండియా చిత్రాల హవా నడుస్తోంది. అల్లు అర్జున్, ప్రభాస్, రామ్ చరణ్ వంటి వారు తమ చిత్రాలతో జాతీయ స్థాయిలో సత్తా చాటుతుంటే? బాలీవుడ్ నటులు కూడా సౌత్ ప్రాజెక్టుల వైపు చూస్తున్నారు. ఈ నేపథ్యంలోనే అభిషేక్ బచ్చన్ వంటి పరిణతి చెందిన నటుడు తెలుగు చిత్ర పరిశ్రమపై దృష్టి సారించడం టాలీవుడ్ మార్కెట్ సామర్థ్యాన్ని మరోసారి నిరూపిస్తోంది. టాలీవుడ్ డైరెక్టర్ల మేకింగ్ స్టైల్ ..కథా బలం అభిషేక్ను బాగా ఆకర్షిస్తున్నట్లు కనిపిస్తోంది.
అభిషేక్ బచ్చన్ నటనలో ప్రత్యేకమైన గాంభీర్యం ఉంటుంది. `గురు`, `పా` వంటి చిత్రాల్లో ఆయన చూపిన ప్రతిభ సౌత్ ప్రేక్షకులకు కొత్తేమీ కాదు. తెలుగు చిత్రాల్లో నటిస్తే? అభిషేక్ నటనా చాతుర్యంతో ఇక్కడ కూడా అభిమానులను సంపాదించుకునే అవకాశం ఉంది. ప్రత్యేకించి భారీ బడ్జెట్ ..బలమైన కథాంశం ఉన్న చిత్రాల్లో విలన్ పాత్రల్లో లేదా కీ రోల్స్ చేస్తే ఆ సినిమాకు జాతీయ స్థాయిలో మరింత మైలేజ్ దక్కుతుంది.
టాలీవుడ్ దర్శకులు కూడా పాన్-ఇండియా అప్పీల్ కోసం బాలీవుడ్ స్టార్లను తమ సినిమాల్లో భాగం చేయడం ట్రెండ్గా మారింది. దీనివల్ల ఉత్తర భారత ప్రేక్షకుల్లో సినిమాకు మంచి క్రేజ్ రావడమే కాకుండా బాక్సాఫీస్ వసూళ్లు కూడా పెరుగుతాయి. అభిషేక్ బచ్చన్ తెలుగులో నటిస్తే ఆయనకున్న ఇమేజ్ ..ఆయన తండ్రి అమితాబ్ బచ్చన్ క్రేజ్ కూడా తెలుగు సినిమాకు అదనపు ఆకర్షణగా మారతాయి. ఇది టాలీవుడ్ బాలీవుడ్ మధ్య బలమైన వారధిని నిర్మిస్తుంది.
అభిషేక్ బచ్చన్ తెలుగులో ఎంట్రీ ఇవ్వడానికి సరైన స్క్రిప్ట్ కోసం వేచి చూస్తున్నారని తెలుస్తోంది. ఏప్రిల్ 2026 నాటి పరిస్థితులు, సౌత్ సినిమాలపై బాలీవుడ్ నటుల ఆసక్తిని గమనిస్తే అభిషేక్ నిర్ణయం సమయానుకూలమని చెప్పొచ్చు. కథ, క్యారెక్టరైజేషన్ బలంగా ఉంటే? ఏ భాషలోనైనా నటించడానికి తాను సిద్ధమేనని ఇప్పటికే సంకే తాలను పంపినట్లు సమాచారం. ఇదే నిజమైతే? బచ్చన్ వారసుడి టాలీవుడ్ ల్యాండింగ్ అనేది భారతీయ సినిమాకు శుభపరిణామం. ఒక స్టార్ వారసుడిగా ఆయన తనదైన శైలిని తెలుగు ప్రేక్షకులకు పరిచయం చేయబో తున్నారు. టాలీవుడ్ భారీతనానికి అభిషేక్ బచ్చన్ హుందాతనం తోడైతే పాన్-ఇండియా చిత్రాలు మరిన్ని అద్భుతాలను సృష్టించే అవకాశం ఉంటుంది. అభిషేక్ అరంగేట్రం కోసం తెలుగు సినీ ప్రియులు సైతం ఎంతో ఆసక్తిగానే ఎదురు చూస్తున్నారు.