ట్రైలర్ టాక్: ఆకాశం నుంచి ఆపద.. 'శంబాల' మిస్టరీ!
ఒక అతీంద్రియ శక్తికి, మనుషులకు మధ్య జరిగే వార్ లా అనిపిస్తోంది. హీరో ఆది క్యారెక్టరైజేషన్ ఇందులో చాలా కొత్తగా ఉంది. ఒక సైంటిస్ట్ గా మూఢనమ్మకాలను అస్సలు నమ్మని వ్యక్తిగా ఆయన కనిపించారు.
By: M Prashanth | 21 Dec 2025 10:23 AM IST
యంగ్ హీరో ఆది సాయికుమార్ ఈసారి రొటీన్ కమర్షియల్ సినిమాలకు దూరంగా, ఒక డిఫరెంట్ కాన్సెప్ట్ తో ప్రేక్షకుల ముందుకు వస్తున్నారు. 'శంబాల' అనే టైటిల్ తోనే ఆసక్తి రేపిన ఈ సినిమా, సూపర్ నేచురల్ థ్రిల్లర్ గా రూపొందింది. ఇప్పటికే రిలీజైన టీజర్, గ్లింప్స్ సినిమాపై పాజిటివ్ వైబ్స్ క్రియేట్ చేశాయి. ఇక లేటెస్ట్ గా ఈ మూవీ ట్రైలర్ ను నేచురల్ స్టార్ నాని లాంచ్ చేయడంతో సినిమాపై బజ్ ఒక్కసారిగా పెరిగిపోయింది.
విజువల్స్ ఎంత గ్రాండ్ గా ఉన్నాయో, అందులో ఆది చెప్పిన డైలాగ్స్ అంతకు మించి ఉన్నాయి. ట్రైలర్ కట్ చేసిన విధానం చూస్తుంటే, ఆది ఈసారి గట్టిగానే కొట్టేలా ఉన్నాడు. ట్రైలర్ ఆరంభమే ఒక మిస్టరీతో మొదలైంది. ఆకాశం నుంచి ఒక ఊహించని ఉల్క పడటం, దాని చుట్టూ అల్లుకున్న కథ అని క్లియర్ గా తెలుస్తోంది. "పంచభూతాల్ని శాసిస్తోందంటే.. ఇది సాధారణమైంది కాదు" అనే బ్యాక్ గ్రౌండ్ వాయిస్ సినిమాలోని ఇంటెన్సిటీని ఎలివేట్ చేసింది.
ఒక అతీంద్రియ శక్తికి, మనుషులకు మధ్య జరిగే వార్ లా అనిపిస్తోంది. హీరో ఆది క్యారెక్టరైజేషన్ ఇందులో చాలా కొత్తగా ఉంది. ఒక సైంటిస్ట్ గా మూఢనమ్మకాలను అస్సలు నమ్మని వ్యక్తిగా ఆయన కనిపించారు. "మీ కాకమ్మ కాశీ మజిలీ కథలు ఊరు జనాలకు చెప్పండి.. నాకు కాదు" అని ఆది చెప్పే డైలాగ్, ఆయన ఆటిట్యూడ్ ను పర్ఫెక్ట్ గా చూపిస్తోంది. శాస్త్రాన్ని నమ్మే ఊరికి, సైన్స్ ను నమ్మే హీరోకి మధ్య వచ్చే క్లాష్ చాలా ఇంట్రెస్టింగ్ గా ఉండబోతోంది.
యాక్షన్ పార్ట్ కూడా ట్రైలర్ లో హైలైట్ అయ్యింది. ముఖ్యంగా బలి ఇచ్చే కాన్సెప్ట్ ను హీరో ఎదిరించే సీన్ గూస్ బంప్స్ తెప్పిస్తోంది. "ఇప్పటి నుంచి మీ పిచ్చితనానికి ఎవరినీ బలి కానివ్వను.. అది ఆవు అయినా సరే.. చీమ అయినా సరే" అని ఆది వార్నింగ్ ఇచ్చే సీన్ మాస్ ఆడియెన్స్ కు బాగా కనెక్ట్ అవుతుంది. విలన్స్ ను ఎదుర్కోవడానికి ఆది చేసే ఫైట్స్ కూడా చాలా స్టైలిష్ గా డిజైన్ చేశారు.
మరోవైపు కథలో దైవత్వంను కూడా బలంగా టచ్ చేశారు. "విధి నిన్ను ఇక్కడికి రప్పించింది.. నువ్వే ఈ సమస్యకి కొత్త పరిష్కారం కనిపెడతావేమో" అనే డైలాగ్ సినిమాలోని అసలు పాయింట్ ను రివీల్ చేస్తోంది. ఆ గ్రామాన్ని కాపాడాల్సిన బాధ్యత హీరో మీద పడినట్లు అర్థమవుతోంది. విజువల్ ఎఫెక్ట్స్, బ్యాక్ గ్రౌండ్ స్కోర్ ఈ సీన్స్ కు ప్రాణం పోశాయి.
రాజశేఖర్ అన్నభిమోజు, మహీధర్ రెడ్డి నిర్మాణంలో యుగంధర్ ముని తెరకెక్కించిన ఈ చిత్రం డిసెంబర్ 25న క్రిస్మస్ కానుకగా వస్తోంది. ఇక అదిరిపోయే విజువల్స్, ఆది చెప్పిన పవర్ ఫుల్ డైలాగ్స్ తో 'శంబాల' మీద అంచనాలు డబుల్ అయ్యాయి. చూస్తుంటే ఆది ఈసారి బిగ్ హిట్ కొట్టేలా ఉన్నాడని అనిపిస్తుంది.