కారాల కళ్ళ పిల్లకు ఆది సైట్.. 'ఈగో రాజా' రౌడీ రాకసి
ఆది సాయికుమార్ నటిస్తున్న బైలింగ్వల్ మూవీ ‘ఈగో రాజా’ నుంచి రౌడీ రాకసి ఫుల్ వీడియో సాంగ్ విడుదలైంది. గిబ్రాన్ వైబోధ సంగీతం అందించిన ఈ పాటలో ఆది మాస్ స్టెప్పులు, హీరోయిన్ శరణ్య రామచంద్రన్‌తో కెమిస్ట్రీ ఆకట్టుకుంటున్నాయి. గురు శరవణన్ దర్శకత్వం వహిస్తున్న ఈ సినిమా రిలీజ్ డేట్‌ను త్వరలో ప్రకటించనున్నారు.
By: M Prashanth | 9 Nov 2026 6:21 PM IST
శంబాల సక్సెస్ తో మంచి ట్రాక్ లోకి వచ్చిన ఆది సాయికుమార్, ఈసారి తమిళంలో కూడా తన లక్ టెస్ట్ చేసుకునేందుకు ఈగో రాజా ప్రాజెక్ట్‌తో వస్తున్నారు. బైలింగ్వల్ మూవీగా తెరకెక్కుతున్న ఈ సినిమా నుంచి ప్రమోషన్లు స్పీడప్ చేస్తూ రౌడీ రాకసి ఫుల్ వీడియో సాంగ్‌ను మేకర్స్ లేటెస్ట్ గా రిలీజ్ చేశారు. ఇప్పటిదాకా వచ్చిన రగ్గడ్ పోస్టర్లకు తోడుగా, ఒక కలర్‌ఫుల్ రొమాంటిక్ నంబర్‌తో ప్రమోషన్లలో కొత్త వైబ్ తీసుకువస్తున్నారు.
పాటలో ప్రేమికుడి చిలిపి ఆరాటం, వేదన హైలెట్ అవుతోంది. లిరిసిస్ట్ రామజోగయ్య శాస్త్రి రాసిన పదాలు నేటి యూత్ పల్స్ కు తగ్గట్లుగా చాలా క్యాచీగా కుదిరాయి. కారాల కళ్ళతో చూస్తూ తిట్టినా సరే ఆ రౌడీ రాకసి పిల్లే నచ్చిందంటూ సాగే లైన్స్ ఇన్స్టంట్ గా ఎక్కేలా ఉన్నాయి. ఎంత గొడవ చేసినా తనకే మనసిచ్చానంటూ హీరో తన ప్రేమను చాటుకునే తీరు పాటలో మెయిన్ హైలైట్ గా నిలిచింది.
సంగీత దర్శకుడు గిబ్రాన్ వైబోధ ఈ పాటకు ఇచ్చిన రిథమ్ చాలా లైవ్లీగా ఉంది. మరీ లౌడ్ గా కాకుండా ఒక క్లీన్ ఫోక్ మెలోడీ వైబ్ ఇచ్చేలా ట్యూన్ కంపోజ్ చేశారు. సింగర్ శిభి శ్రీనివాసన్ వాయిస్ లోని హుషారు పాటకు మంచి జోష్ తెచ్చింది. నేటివిటీ లైన్స్ కు తగ్గట్లుగా ఆయన గాత్రం చక్కగా సెట్ అయింది. వీడియోలో ఆది సాయికుమార్ స్క్రీన్ ప్రెజెన్స్ చాలా ఎనర్జిటిక్ గా ఉంది.
లుంగీ కట్టుకుని లోకల్ కుర్రాడిలా ఆయన వేసిన మూమెంట్స్ స్క్రీన్ పై చూడటానికి బాగున్నాయి. సాధారణంగా క్లాస్ లుక్స్ లో కనిపించే ఆది, ఈ సాంగ్ లో ఫుల్ మాస్ బాడీ లాంగ్వేజ్ తో స్టెప్పులేస్తూ కొత్తగా ట్రై చేశారు. హీరోయిన్ శరణ్య రామచంద్రన్ తో కెమిస్ట్రీ కూడా చాలా నేచురల్ గా, సరదా గిల్లికజ్జాలతో సాగి విజువల్స్ కి మంచి కలర్ తీసుకొచ్చింది.
సాంగ్ పిక్చరైజేషన్ పరంగా సినిమాటోగ్రాఫర్ మనోజ్ పరమహంస విజువల్స్ చాలా రిచ్ గా వచ్చాయి. గ్రామీణ వాతావరణం, లోకల్ స్ట్రీట్స్ బ్యాక్‌డ్రాప్‌లో చిత్రీకరించిన ఫ్రేమ్స్ కంటికి ఇంపుగా ఉన్నాయి. దర్శకుడు గురు శరవణన్ కేవలం యాక్షన్ డ్రామా మాత్రమే కాకుండా, యూత్ ఆడియన్స్ ను ఆకట్టుకునేలా ఇలాంటి ఎంటర్‌టైనింగ్ సాంగ్స్ ఉండేలా ప్లాన్ చేశారు. తమిళ నేటివిటీ టచ్ ఉన్నప్పటికీ తెలుగు ఆడియన్స్ కు కూడా ఈజీగా సింక్ అయ్యేలా జాగ్రత్త పడ్డారు.
ఇక రౌడీ రాకసి సాంగ్ ఎలాంటి హడావుడి ప్రయోగాలు లేకుండా, ఒక సరదా లవ్ ట్రాక్ గా డీసెంట్ ఇంప్రెషన్ ఇచ్చింది. గిబ్రాన్ క్యాచీ ట్యూన్, ఆది ఈజ్ తో వేసిన డ్యాన్స్ సినిమాపై ఆసక్తిని పెంచడానికి ఉపయోగపడతాయి. త్వరలోనే రిలీజ్ డేట్ అనౌన్స్ చేయనున్న ఈ చిత్రం, టాలీవుడ్ తో పాటు కోలీవుడ్ లో ఆది కెరీర్ కు ఏ స్థాయి బూస్ట్ ఇస్తుందో చూడాలి.