రామాయణంపై ఈ తరం వింత ప్రశ్న..!

ప్రస్తుత తరం ఆలోచనలు చాలా భిన్నంగా ఉంటున్నాయి. ముఖ్యంగా సోషల్ మీడియాలో కొందరు అడిగే ప్రశ్నలు ఒక్కోసారి అందరినీ ఆశ్చర్యపరుస్తుంటాయి. తాజాగా రణబీర్ కపూర్ హీరోగా నటించిన రామాయణ పార్ట్ 1 సినిమాకు సంబంధించి ఒక అమ్మాయి అడిగిన ప్రశ్న ఇప్పుడు నెట్టింట వైరల్ అవుతూ అందరిని ఆశ్చర్యపరుస్తుంది.

రామాయణం కథ గురించి, సినిమాలోని పాత్రల గురించి ఇప్పటికే సోషల్ మీడియాలో ఎన్నో రకాలుగా చర్చలు జరుగుతున్నా. కొందరు సినిమా విజువల్స్‌పై ప్రశంసలు కురిపిస్తుంటే, మరికొందరు కొన్ని సన్నివేశాలు, పాత్రల రూపకల్పనపై విమర్శలు చేస్తున్నారు. ఈ క్రమంలో రాముడి పాత్రలో కనిపిస్తున్న రణబీర్ కపూర్ ఫొటోలను షేర్ చేసిన ఒక అమ్మాయి మాత్రం ఊహించని ప్రశ్న వేసింది.

ఆమె తన పోస్టులో, "త్రేతాయుగంలో రాముడు 14 ఏళ్ల వనవాసం చేసినప్పటికీ ఆయన ఎప్పుడూ గడ్డంతో కనిపించలేదు. మరి అప్పట్లో ప్రజలు గడ్డం ఎలా గీసుకునేవారు? ఇది ఎలా సాధ్యమైంది?" అంటూ గ్రోక్‌ను ప్రశ్నించింది.

ఈ ప్రశ్న చూసిన నెటిజన్లు ఆశ్చర్యపోతున్నారు. కొందరు ఆమె ప్రశ్నను చూసి నవ్వుకుంటుంటే, మరికొందరు రామాయణం వంటి ఇతిహాసాన్ని అర్థం చేసుకునే విషయంలో ఇలాంటి సందేహాలు ఎందుకంటూ విమర్శిస్తున్నారు. ఇంకొందరు మాత్రం అప్పటి కాలంలో గడ్డం తీసుకోవడానికి ఎలాంటి పద్ధతులు.. ఉండేవో తెలుసుకోవాలనే ఆసక్తితో కామెంట్ చేస్తున్నారు.

నిజానికి రామాయణం అనేది కేవలం ఒక సినిమా కథ మాత్రమే కాదు. కోట్లాది మంది నమ్మకాలు, భావోద్వేగాలతో ముడిపడిన ఇతిహాసం. అందుకే ఈ కథ ఆధారంగా సినిమా వచ్చినప్పుడు ప్రతి చిన్న విషయం కూడా వైరల్ అవుతూ ఉంటుంది.

మరోవైపు రామాయణ పార్ట్ 1 సినిమా కలెక్షన్ల పరంగా మంచి వసూళ్లు సాధిస్తూ ప్రేక్షకుల దృష్టిని ఆకర్షిస్తోంది. ఒకవైపు సినిమా గురించి ప్రశంసలు, విమర్శలు వస్తుంటే.. మరోవైపు ఇలాంటి విచిత్రమైన ప్రశ్నలు కూడా సోషల్ మీడియాలో వైరల్ అవుతున్నాయి.