HYD లో ఐటీ బూమ్.. ఎన్ని లక్షలు మందో తెలుసా ?

హైదరాబాద్ ఐటీ రంగానికి తిరుగులేదని మరోసారి నిరూపితమైంది! మన భాగ్యనగరం సరికొత్త రికార్డుల వైపు దూసుకుపోతోంది. కొత్త కంపెనీలు, గ్లోబల్ సెంటర్ల రాకతో ఈ ఏడాది చివరికల్లా ఇక్కడి ఐటీ ఉద్యోగుల సంఖ్య ఏకంగా 11 లక్షలకు చేరబోతోందని ఐటీ శాఖ అంచనా వేస్తోంది. సాఫ్ట్‌వేర్ రంగంలో ఉద్యోగాల వేటలో ఉన్నవారికి, హైదరాబాద్ గ్రోత్‌ను చూస్తున్నవారికి ఇది నిజంగా సూపర్ గుడ్ న్యూస్. ఈ ఐటీ జోరు మున్ముందు ఎలా ఉండబోతోందో ఇప్పుడు చూద్దాం..

గత ఏడాది లెక్కలు ఇవే..:

ప్రభుత్వ అధికారిక లెక్కల ప్రకారం చూస్తే, గతేడాది డిసెంబర్ నాటికే హైదరాబాద్‌లో ఐటీ ఉద్యోగుల సంఖ్య దాదాపు 10.2 లక్షల వరకు ఉంది. ఇక అంటే ఇప్పటికే మన సిటీలో ఒక భారీ ఐటీ సైన్యం కొలువుదీరి ఉందన్నమాట. ఇప్పుడు ఆ నెంబర్ మరింత పెరిగి 11 లక్షల మార్కును తాకడానికి రెడీ అవుతోంది.

ఉద్యోగాలు పెరగడానికి కారణం ఏంటి?:

హైదరాబాద్‌కు క్యూ కడుతున్న కొత్త ఇంటర్నేషనల్ కంపెనీలు, గ్లోబల్ కేపబిలిటీ సెంటర్లు ఈ భారీ వృద్ధికి ముఖ్య కారణం. ఇక్కడి ఇన్‌ఫ్రాస్ట్రక్చర్, టాలెంట్ పూల్ ఆకట్టుకోవడంతో గ్లోబల్ కంపెనీలు తమ కార్యాలయాలను ఇక్కడే స్థాపించేందుకు ముందుకు వస్తున్నాయి. దీంతో స్థానిక ప్రతిభకు విస్తృతమైన అవకాశాలు లభిస్తున్నాయి.

ఎగుమతుల్లోనూ రికార్డుల వేట:

ఉద్యోగాలే కాదు, ఆదాయం పరంగా కూడా హైదరాబాద్ ఐటీ రేంజ్ మారిపోయింది.ఇక ఆర్థిక సంవత్సరంలో మన రాష్ట్రం నుంచి జరిగిన ఐటీ ఎగుమతుల విలువ అక్షరాలా రూ.3.13 లక్షల కోట్లు. ఇక ఈసారి ఆ రికార్డును బ్రేక్ చేస్తూ.. ఐటీ ఎగుమతులు ఏకంగా రూ.3.6 లక్షల కోట్లకు పెరుగుతాయని అంచనా వేస్తున్నారు.

మొత్తానికి చూస్తే, ఐటీ హబ్‌గా హైదరాబాద్ ఇప్పట్లో తగ్గేదేలే అంటోంది. ఇక 11 లక్షల మంది ఉద్యోగులు, రూ.3.6 లక్షల కోట్ల ఎగుమతుల లక్ష్యంతో సిటీ గ్లోబల్ మ్యాప్‌లో మరింత స్ట్రాంగ్‌గా నిలబడబోతోంది. ఇక ఈ గ్రోత్ ఇలాగే కొనసాగితే రాబోయే రోజుల్లో మరిన్ని అద్భుతమైన అవకాశాలు మన యువత సొంతం కావడం ఖాయం.