స్కూల్ ప్రిన్సిపల్ కే వార్నింగ్ ఇచ్చిన బుడ్డోడు.. మామూలు స్టేట్మెంట్ కాదుగా!

ఐదేళ్లు కూడా లేని ఒక చిన్నారి 'నీ రోజులు దగ్గరపడ్డాయి.. నేను స్కూలునే నాశనం చేస్తా!' అంటూ ఏకంగా స్కూల్ ప్రిన్సిపాల్‌కే ఓపెన్ వార్నింగ్ ఇచ్చాడు. బీహార్‌లో జరిగిన ఈ విచిత్రమైన ఘటనకు సంబంధించిన వీడియో ఇప్పుడు సోషల్ మీడియాలో తెగ వైరల్ అవుతోంది. కనీసం మంచి చెడు కూడా తెలియని వయసులో ఆ బాలుడు అంత కోపంతో ఊగిపోతూ మాట్లాడటం చూసి నెటిజన్లు రకరకాలుగా స్పందిస్తున్నారు. ఈ చిన్నారి రూడ్ బిహేవియర్ ప్రస్తుతం ఇంటర్నెట్‌లో పెద్ద చర్చకు దారితీసింది.

స్కూల్ నాశనం చేస్తా.. బుడ్డోడి సీరియస్ వార్నింగ్:

వైరల్ అవుతున్న వీడియో ప్రకారం.. బీహార్‌లోని ఒక ప్రైవేట్ స్కూల్లో చదువుతున్న చిన్న పిల్లాడు ఏదో విషయంలో కోపం వచ్చి నేరుగా ప్రిన్సిపాల్ రూమ్‌కు వెళ్లాడు. అక్కడ ప్రిన్సిపాల్‌ను వేలితో చూపిస్తూ, ఎంతో సీరియస్ గెటప్‌తో డైలాగులు కొట్టడం స్టార్ట్ చేశాడు. "నీ రోజులు దగ్గరపడ్డాయి.. జాగ్రత్త! నేను ఈ స్కూలునే నాశనం చేస్తా" అంటూ ఆ బుడ్డోడు ఇచ్చిన వార్నింగ్ చూసి అక్కడున్న వారంతా షాక్ అయ్యారు.

ఫన్నీగా ఉందంటున్న కొందరు.. కామెంట్స్:

ఈ వీడియో చూసిన కొందరు నెటిజన్లు దీన్ని కేవలం ఒక ఫన్నీ విషయంగా తీసుకుంటున్నారు. అసలు ఐదేళ్లు కూడా రాని ఒక చిన్న పిల్లాడు అంత సీరియస్ ఎక్స్‌ప్రెషన్స్ పెట్టి, అంత పెద్ద డైలాగులు చెబుతుంటే చూడటానికి చాలా నవ్వు తెప్పిస్తోందని కామెంట్స్ చేస్తున్నారు. ఇక వాడు పెద్దయ్యాక మంచి యాక్టర్ అవుతాడని, సినిమాలో విలన్ క్యారెక్టర్లకు పక్కాగా సెట్ అవుతాడంటూ జోకులు పేలుస్తున్నారు.

పిల్లలకు విలువలు నేర్పరా?.. తప్పుబడుతున్న నెటిజన్లు:

అయితే, ఈ వ్యవహారంపై సమాజంలో మార్పు కోరుకునే మరికొందరు మాత్రం తీవ్ర ఆందోళన వ్యక్తం చేస్తున్నారు. గురువుల పట్ల, పెద్దల పట్ల కనీస గౌరవం లేకుండా మాట్లాడటం అస్సలు మంచి పద్ధతి కాదని నెటిజన్లు తప్పుబడుతున్నారు. ఇక పిల్లలు ఇంట్లో పెద్దలు మాట్లాడే మాటలను, లేదా టీవీలు, రీల్స్‌లో చూసే విలన్ డైలాగులను చూసి ఇలా ప్రవర్తిస్తుంటారని.. ఇది నవ్వుకునే విషయం కాదని అంటున్నారు.

తల్లిదండ్రులు, టీచర్స్ బాధ్యత ఎంతైనా ఉంది:

ఇలాంటి విషయాల్లో చిన్నప్పుడే పిల్లలకు కరెక్ట్ పద్ధతి నేర్పకపోతే భవిష్యత్తులో వాళ్లు మొండిగా తయారయ్యే ప్రమాదం ఉంది. ఇక బడిలో టీచర్స్ తో ఎలా మాట్లాడాలి, సమాజంలో ఎలా నడుచుకోవాలి అనే విషయాలను తల్లిదండ్రులు ఇంటి దగ్గరే నేర్పించాలని, చిన్న పిల్లలకు నైతిక విలువలు నేర్పడం చాలా ముఖ్యమని విద్యావేత్తలు గుర్తుచేస్తున్నారు.

బుడ్డోడి కోపం చూడటానికి ఫన్నీగా అనిపించినప్పటికీ, అంత చిన్న వయసులో మనస్సులో అంత కసి, కోపం పెరగడం ఆలోచించాల్సిన విషయమే. పిల్లలు ఏం మాట్లాడుతున్నారో, ఎలాంటి విషయాలను చూసి నేర్చుకుంటున్నారో గమనించాల్సిన బాధ్యత పెద్దలపై ఎంతైనా ఉంది.