కాంగ్రెస్ 60, బీఆర్‌ఎస్ 12, బీజేపీ 0.. ప్రస్తుతానికి మున్సిపల్ ఫలితాలివీ..

తెలంగాణ మున్సిపల్ ఎన్నికల ఫలితాల్లో కాంగ్రెస్ పార్టీ తన హవాను చాటుతోంది. మొత్తం 116 మున్సిపాలిటీల్లో ఎన్నికలు జరగ్గా ఇప్పటికే సగానికి పైగా స్థానాలను కైవసం చేసుకుని స్పష్టమైన ఆధిపత్యాన్ని ప్రదర్శించింది. 2,582 వార్డుల్లో జరిగిన ఈ పోరులో మెజారిటీ వార్డులు కాంగ్రెస్ ఖాతాలోకే చేరాయి.

మున్సిపాలిటీల వారీగా తాజా పరిస్థితి చూస్తే.. ప్రస్తుతం అందిన సమాచారం ప్రకారం.. మొత్తం 116 మున్సిపాలిటీల్లో

కాంగ్రెస్ 60

బీఆర్‌ఎస్ 12

భాజపా 0

ఇతరులు 1

హంగ్ 34

ఫలితం రావాల్సినవి 9 ఉన్నాయి.

కార్పొరేషన్లలోనూ కాంగ్రెస్ జైత్రయాత్ర

కేవలం మున్సిపాలిటీలకే పరిమితం కాకుండా కీలకమైన మూడు కార్పొరేషన్లను కాంగ్రెస్ పార్టీ క్లీన్ స్వీప్ చేసింది. మంచిర్యాల, రామగుండం, నల్గొండ కార్పొరేషన్లలో హస్తం పార్టీ విజయకేతనం ఎగురవేసింది.

- మంచిర్యాల కార్పొరేషన్

మొత్తం 60 వార్డులకు గానూ కాంగ్రెస్ ఏకపక్ష విజయం సాధించింది.

కాంగ్రెస్: 41 వార్డులు

బీఆర్‌ఎస్: 8 వార్డులు

భాజపా: 4 వార్డులు

ఇతరులు: 2 వార్డులు

- రామగుండం కార్పొరేషన్

పారిశ్రామిక ప్రాంతమైన రామగుండంలోనూ కాంగ్రెస్ జోరు కొనసాగింది.

కాంగ్రెస్: 36 వార్డులు

బీఆర్‌ఎస్: 13 వార్డులు

భాజపా: 1 వార్డు

ఇతరులు: 4 వార్డులు

- నల్గొండ కార్పొరేషన్

నల్గొండలో మొత్తం 48 వార్డులు ఉండగా, కాంగ్రెస్ స్పష్టమైన మెజారిటీని సాధించింది.

కాంగ్రెస్: 26 వార్డులు

బీఆర్‌ఎస్: 8 వార్డులు

భాజపా: 4 వార్డులు

ఇతరులు: 7 వార్డులు

కరీంనగర్ కార్పొరేషన్ ( 66 డివిజన్లు)

బీజేపీ 34

కాంగ్రెస్ 14,

బీఆర్‌ఎస్ 6

ఇప్పటికీ 34 మున్సిపాలిటీల్లో 'హంగ్' ఏర్పడటంతో, అక్కడ స్వతంత్ర అభ్యర్థులు, ఇతరుల మద్దతు కీలకం కానుంది. మరో 9 మున్సిపాలిటీల ఫలితాలు వెలువడాల్సి ఉంది.

రాష్ట్రవ్యాప్తంగా కాంగ్రెస్ సాధించిన ఈ విజయం, క్షేత్రస్థాయిలో ఆ పార్టీ బలాన్ని మరోసారి నిరూపించింది. బీఆర్‌ఎస్ ప్రధాన ప్రతిపక్షంగా నిలిచినప్పటికీ, కాంగ్రెస్ జోరు ముందు తలవంచక తప్పలేదు.