తమన్నా ఫైన్ జ్యువెలరీ మ్యాజిక్.. లగ్జరీ లుక్‌లో మిల్కీ బ్యూటీ రచ్చ!

మిల్కీ బ్యూటీ తమన్నా భాటియా కేవలం సినిమాలతోనే కాకుండా బిజినెస్ ఉమన్‌గానూ దూసుకుపోతోంది. తాజాగా ఆమె తన సొంత బ్రాండ్ ‘తమన్నా ఫైన్ జ్యువెలరీ’ ప్రమోషన్స్ కోసం చేసిన రాయల్ ఫోటోషూట్ సోషల్ మీడియాను ఊపేస్తోంది. "రేపటి రూపాన్ని మార్చడానికి, ఇవాళ ఎన్నో విప్లవాత్మక మార్పులు కావాలి" అంటూ క్రేజీ క్యాప్షన్‌తో ఆమె షేర్ చేసిన లుక్ అదిరిపోయింది. ఇక పెరల్స్, డైమండ్స్ కలబోసిన నగలు ధరించి, క్లాసీ అండ్ మోడ్రన్ ఔట్‌ఫిట్‌లో తమన్నా ఇచ్చిన పోజులు ఫ్యాన్స్‌ను ఫిదా చేస్తున్నాయి.

ముత్యాలు, వజ్రాల కలబోతగా లగ్జరీ లుక్:

తమన్నా తన లేటెస్ట్ జ్యువెలరీ క్యాంపెయిన్ కోసం ముత్యాలు, వజ్రాల కాంబినేషన్‌లో అద్భుతమైన డిజైన్లను ధరించింది. స్నో అండ్ గోల్డ్ టోన్స్ లో ఉన్న స్టాకబుల్ బ్యాండ్స్, లేయర్డ్ నెక్లెస్, స్టేట్‌మెంట్ ఇయర్ రింగ్స్‌తో ఆమె లుక్ చాలా రిచ్‌గా అనిపించింది. ఆధునిక కాలంలో ప్రతిరోజూ ధరించేలా, ఎంతో వర్సటైల్‌గా ఉండేలా ఈ నగలను తమన్నా డిజైన్ చేయించడం విశేషం.

అవుట్‌ఫిట్ అదుర్స్.. సింపుల్ అండ్ క్లాస్:

ఈ ఫోటోషూట్‌లో తమన్నా వేసుకున్న డ్రెస్ కూడా ప్రత్యేక ఆకర్షణగా నిలిచింది. న్యూట్రల్ కలర్‌లో ఉన్న ప్రీమియం రిబ్బెడ్ క్నిట్ వేర్ కో ఆర్డ్ సెట్‌లో ఆమె మెరిసిపోయింది. ఇక స్లీవ్‌లెస్ హాల్టర్ స్టైల్ టాప్, దానికి మ్యాచింగ్‌గా ఉన్న హై-వేస్టెడ్ వైడ్-లెగ్ ట్రౌజర్స్ ఆమెకు పర్ఫెక్ట్ లుక్ ఇచ్చాయి. నగలలోని మెరుపులు స్పష్టంగా కనిపించేలా, ఎలాంటి హంగులు లేకుండా సింపుల్‌గా ఉండేలా ఈ మెటీరియల్‌ను ఎంచుకున్నారు.

బాలీవుడ్‌లో విజువల్ వండర్ ‘వ్వాన్‌’:

ఇక సినిమాల విషయానికి వస్తే.. తమన్నా బాలీవుడ్‌లో ఒక భారీ ప్రాజెక్ట్‌తో ప్రేక్షకుల ముందుకు రాబోతోంది. సిద్ధార్థ్ మల్హోత్రా, తమన్నా లీడ్ రోల్స్ లో దీపక్ కుమార్ మిశ్రా దర్శకత్వంలో తెరకెక్కుతున్న విజువల్ వండర్ మూవీ ‘వ్వాన్‌’ ఈ సినిమాను ఈ ఏడాది సెప్టెంబర్ 25న ప్రపంచవ్యాప్తంగా థియేటర్లలో విడుదల చేయబోతున్నట్లు ప్రముఖ ట్రేడ్ అనలిస్ట్ తరణ్ ఆదర్శ్ అధికారికంగా ట్వీట్ చేశారు.

హిందీ ఇండస్ట్రీపైనే తమన్నా భారీ ఆశలు:

ఇటీవలి కాలంలో సౌత్ లో అగ్ర హీరోల సరసన అవకాశాలు కొద్దిగా తగ్గడంతో తమన్నా తన బాలీవుడ్ జర్నీపైనే పూర్తి ఫోకస్ పెట్టింది. ఇక ఇప్పటికే పలు క్రేజీ హిందీ సినిమాలు, విభిన్నమైన వెబ్ సిరీస్‌లతో అక్కడి ఆడియన్స్‌కు బాగా దగ్గరైంది. ఇప్పుడు రాబోతున్న ‘వ్వాన్‌’ చిత్రంతో బాలీవుడ్‌లో ఒక సాలిడ్ సక్సెస్ అందుకొని, తన రేంజ్‌ను మరికొంత పెంచుకోవాలని మిల్కీ బ్యూటీ గట్టి ప్లాన్‌తో ఉంది.

ఒకవైపు నటిగా క్రేజీ సినిమాల్లో నటిస్తూనే, మరోవైపు ‘తమన్నా ఫైన్ జ్యువెలరీ’తో బిజినెస్‌లోనూ సత్తా చాటుతోంది ఈ బ్యూటీ. ఫ్యాషన్ ప్రపంచంలో లగ్జరీ, స్టైల్‌కు కేరాఫ్ అడ్రస్‌గా మారిన తమన్నా.. అటు బిజినెస్‌లో, ఇటు సెప్టెంబర్ 25న రాబోతున్న ‘వ్వాన్‌’ సినిమాతో బాలీవుడ్ బాక్సాఫీస్ వద్ద ఎలాంటి వండర్స్ క్రియేట్ చేస్తుందో చూడాలి.