శోభిత బర్త్డే స్పెషల్.. చైతన్య విష్తో సోషల్ మీడియా సందడి!
ఈ క్రమంలోనే భర్త నాగచైతన్య ఆమెకు ఎంతో స్పెషల్గా, రొమాంటిక్గా బర్త్డే విషెస్ చెప్పాడు. ఇప్పుడు ఈ పోస్ట్ నెట్టింట వైరల్ అవుతోంది. ఆ విశేషాలు చూద్దాం
మన తెనాలి అమ్మాయి, అక్కినేని ఇంటి పెద్ద కోడలు శోభిత ధూళిపాళ్ల నేడు తన 34వ పుట్టినరోజును జరుపుకుంటోంది. బాలీవుడ్ నుంచి హాలీవుడ్ వరకు తన నటనతో ప్రత్యేక గుర్తింపు తెచ్చుకున్న శోభితకు అభిమానులు, సినీ సెలబ్రిటీలు పెద్ద ఎత్తున శుభాకాంక్షలు చెబుతున్నారు. ఈ క్రమంలోనే భర్త నాగచైతన్య ఆమెకు ఎంతో స్పెషల్గా, రొమాంటిక్గా బర్త్డే విషెస్ చెప్పాడు. ఇప్పుడు ఈ పోస్ట్ నెట్టింట వైరల్ అవుతోంది. ఆ విశేషాలు చూద్దాం
మై లేడీకి చైతూ స్పెషల్ విషెస్:
శోభిత పుట్టినరోజు సందర్భంగా నాగచైతన్య ఇన్స్టాగ్రామ్లో కొన్ని అరుదైన ఫోటోలను పంచుకున్నాడు. సరదా డేట్ నైట్స్, ట్రెకింగ్ చేసిన జ్ఞాపకాలు, ఇద్దరూ కలిసి నవ్వుకుంటున్న క్యూట్ ఫోటోలను షేర్ చేస్తూ.. "హ్యాపీ బర్త్ డే మై లేడీ శోభిత.. నీతో కలిసి జీవితాన్ని గడిపే అవకాశం దక్కినందుకు నేను ఎంతో కృతజ్ఞుడిని" అంటూ రాసుకొచ్చాడు. ఈ పోస్ట్ చూసిన ఫ్యాన్స్ వీళ్ల జోడీకి ఫిదా అయిపోతున్నారు.
సినిమాల విషయానికి వస్తే.. ఈ ఏడాది శోభిత 'చీకటి' అనే వెబ్ సిరీస్తో ప్రేక్షకుల ముందుకు వచ్చింది. అయితే ఇది ఆశించిన స్థాయిలో సక్సెస్ కాలేదు. ప్రస్తుతం ఆమె కథానాయిక ప్రాధాన్యత ఉన్న వైవిధ్యమైన కథలను వింటోంది. పెళ్లి తర్వాత శోభిత చేయబోయే కొత్త సినిమా ప్రకటన త్వరలోనే వచ్చే అవకాశం ఉంది. మరి ఆమె నెక్స్ట్ ప్రాజెక్ట్తో ఎలాంటి హిట్ అందుకుంటుందో చూడాలి.
చైతన్య క్రేజీ ప్రాజెక్ట్ 'వృషకర్మ':
మరోవైపు నాగచైతన్య తన కెరీర్లో సరికొత్త సినిమాలతో బిజీగా ఉన్నాడు. 'విరూపాక్ష' సినిమాతో సూపర్ హిట్ అందుకున్న డైరెక్టర్ కార్తీక్ దండు దర్శకత్వంలో 'వృషకర్మ' అనే భారీ మైథలాజికల్ అడ్వెంచర్ థ్రిల్లర్లో నటిస్తున్నాడు. ఈ సినిమాపై అక్కినేని ఫాన్స్ లో భారీ అంచనాలు ఉన్నాయి.
కోర్టు మెట్లెక్కిన చైతన్య:
ఇదిలా ఉంటే, నాగచైతన్య తన వ్యక్తిగత జీవితంపై వస్తున్న తప్పుడు వార్తలపై సీరియస్ అయ్యాడు. ఇక తన పాత రిలేషన్షిప్కు సంబంధించి సోషల్ మీడియాలో, కొన్ని వెబ్సైట్లలో వస్తున్న అసత్య ప్రచారాలపై ఢిల్లీ హైకోర్టును ఆశ్రయించాడు. చైతూ అనుమతి లేకుండా ఆయన పేరు, ఫోటోలు, వీడియోలను వాడకూడదని కోర్టు తాత్కాలిక ఆదేశాలు జారీ చేసింది.
పెళ్లి తర్వాత శోభిత జరుపుకుంటున్న ఈ పుట్టినరోజు అక్కినేని కుటుంబంలో సరికొత్త జోష్ నింపింది. చైతూ పెట్టిన పోస్ట్ వాళ్ల మధ్య ఉన్న గాఢమైన ప్రేమను చాటిచెబుతోంది. ఈ జంట ఇలాగే ఎప్పుడూ సంతోషంగా ఉండాలని, అలాగే ఇద్దరూ తమ రాబోయే సినిమాలతో బాక్సాఫీస్ వద్ద మంచి విజయాలు అందుకోవాలని మనస్ఫూర్తిగా కోరుకుందాం. హ్యాపీ బర్త్డే శోభిత.