అమీర్ ఖాన్తో వాష్రూమ్ సంభాషణ!
ఆ సినిమా విడుదలై 25 ఏళ్లు పూర్తయిన సందర్భంగా టీమ్ అంతా రీ యూనియన్ అవ్వడం...ఆ సినిమా గురించి ప్రత్యేక ముచ్చట్లు పెట్టుకోవడంతో మీడియాలో అదే అంశం హైలైట్ అవుతుంది
ప్రస్తుతం బాలీవుడ్ లో చర్చంతా అమీర్ ఖాన్ నటించిన `లగాన్` గురించే. ఆ సినిమా విడుదలై 25 ఏళ్లు పూర్తయిన సందర్భంగా టీమ్ అంతా రీ యూనియన్ అవ్వడం...ఆ సినిమా గురించి ప్రత్యేక ముచ్చట్లు పెట్టుకోవడంతో మీడియాలో అదే అంశం హైలైట్ అవుతుంది. సిల్వర్ జూబ్లీ మైలురాయిని పురస్కరించుకుని చిత్ర బృందం పంచుకుంటున్న పాత జ్ఞాపకాలు నెటిజన్లను, సినిమా ప్రియులను విశేషంగా ఆకట్టుకుంటున్నాయి. ఈ చిత్రంలో క్రూరమైన బ్రిటిష్ అధికారి కెప్టెన్ ఆండ్రూ రస్సెల్ పాత్రలో నటించి.. భారతీయ ప్రేక్షకుల మనస్సుల్లో చెరగని ముద్ర వేసిన హాలీవుడ్ నటుడు పాల్ బ్లాక్థోర్న్ ఇటీవల షూటింగ్ నాటి ఆసక్తికర విషయాలను గుర్తు చేసుకున్నారు.
ఒక విదేశీ నటుడిగా భారతీయ సినిమా సెట్స్పై పనిచేయడం సరికొత్త అనుభూతిని ఇచ్చిందన్నారు. తెరపై హీరో, విలన్లుగా శత్రుత్వాన్ని ప్రదర్శించినా? తెరవెనుక తమ మధ్య ఉన్న ఆత్మీయ బంధాన్ని ఆయన విశ్లేషించారు.
ముఖ్యంగా షూటింగ్ సమయంలో ఒకరోజు వాష్రూమ్లో అమీర్ ఖాన్తో జరిగిన సరదా సంభాషణను పాల్ బ్లాక్థోర్న్ గుర్తు చేసుకోవడం విశేషం. అంతటి భారీ బడ్జెట్, ప్రతిష్టాత్మక చిత్రంలో నటిస్తున్నప్పటికీ నటీనటుల మధ్య ఎలాంటి అహాలు లేకుండా ఎంతో సాధారణంగా.. స్నేహపూర్వకంగా ఉండేవారనే విషయాన్ని ఈ ఘటన మరోసారి గుర్తు చేస్తోంది.
తెరపై కనిపించే ఉద్రిక్తతకు, తెరవెనుక ఉండే సరదా వాతావరణానికి మధ్య ఉన్న వ్యత్యాసం అభిమానుల్లో ఆసక్తిని కలిగిస్తోంది. దర్శకుడు అశుతోష్ గోవారికర్ రాసుకున్న కథ, పాత్రల రూపకల్పన సినిమా విజయానికి ప్రధాన కారణం. ముఖ్యంగా పాల్ బ్లాక్థోర్న్ పలికిన `తీన్ గుణా లగాన్ దేనా పడేగా` (మూడు రెట్లు పన్ను కట్టాల్సిందే) అనే డైలాగ్ భారతీయ పాప్ కల్చర్లో ఐకానిక్ లైన్గా మిగిలిపోయింది. విలన్ పాత్రను అంతలా పండించడం వల్లే సినిమాలోని డ్రామా - దేశభక్తి ఎలిమెంట్స్ ప్రేక్షకులకు అంతగా కనెక్ట్ అయ్యాయి.
`లగాన్` కేవలం బాక్సాఫీస్ విజయాన్ని అందుకోవడమే కాదు. ఆస్కార్ రేసులో నిలిచి అంతర్జాతీయ వేదికపై భారతీయ సినిమా సత్తాను చాటింది. క్రికెట్, స్వాతంత్ర్య కాంక్ష, గ్రామీణ భావోద్వేగాల కలయికతో రూపొందిన ఈ చిత్రం పాల్ బ్లాక్థోర్న్ కెరీర్లోనూ మైలురాయిగా నిలిచింది. పాతికేళ్లు గడిచినా ప్రపంచవ్యాప్తంగా ఉన్న సినిమా లవర్స్ ఈ చిత్రాన్ని అందులోని పాత్రలను ఇంకా గుర్తుంచుకోవడం విశేషం. 25 ఏళ్ల మైలురాయిని దాటినప్పటికీ `లగాన్` సృష్టించిన ఇంపాక్ట్ ఏమాత్రం తగ్గలేదు. పాల్ బ్లాక్థోర్న్ వంటి అంతర్జాతీయ నటులు నేటికీ ఆ జ్ఞాపకాలను ప్రేమగా నెమరువేసుకోవడం సినిమాకున్న ఆదరణను తెలియజేస్తుంది. కళకు, స్నేహానికి ఎలాంటి భాషా సరిహద్దులు లేవని.. కాలం గడిచేకొద్దీ ఇలాంటి క్లాసిక్ చిత్రాల విలువ మరింత పెరుగుతుందని ఈ జ్ఞాపకాలు నిరూపిస్తున్నాయి.