బాసూ ఇది విన్నారా? 'రౌడీ అల్లుడు 2.0' ఫిక్షన్ క‌థ‌ను జోడించి సీక్వెల్ తీస్తే!
అయితే నేటి ఏఐ- డిజిట‌ల్ యుగంలో.. సైన్స్ ఫిక్షన్ ట్రెండ్‌లో అభిమానులు ఒక క్రేజీ ఫాంటసీలోకి వెళ్తున్నారు.
మెగాస్టార్ చిరంజీవి మాసిజం.. టైమింగ్‌తో కూడిన కామెడీ ఆడియన్స్‌ను ఏ స్థాయిలో ఊపేస్తుందో చెప్పడానికి ఉదాహరణ `రౌడీ అల్లుడు`. దర్శకేంద్రుడు కె. రాఘవేంద్రరావు దర్శకత్వంలో అల్లు అరవింద్ నిర్మించిన ఈ చిత్రం టాలీవుడ్ బాక్సాఫీస్ వద్ద సృష్టించిన బీభత్సం అంతా ఇంతా కాదు. `గ్యాంగ్ లీడర్`, `ఘరానా మొగుడు` చిత్రాల తర్వాత అదే స్థాయి ఇండస్ట్రీ హిట్ రేంజ్‌లో ఆడి చిరు కెరీర్‌లోనే అత్యంత ప్రత్యేకం గా నిలిచింది. 35 ఏళ్లు పూర్తయినా కూడా ఈ నాటికీ ఈ సినిమాలోని చిరు మాసిజం, స్వాగ్, చరిష్మా ఫ్యాన్స్ కి గిలిగింత‌లు పెడుతుంది.
ఈ చిత్రంలో చిరంజీవి ద్విపాత్రాభినయం (కళ్యాణ్, జానీ) చేసి ఆడియన్స్‌కు పూనకాలు తెప్పించారు. వ్యాపారవేత్త కళ్యాణ్‌గా క్లాస్ లుక్‌లో... రెండో పాత్ర‌లో ఆటో డ్రైవర్ జానీగా పక్కా మాస్ అవతారంలో ఆయన చూపించిన వైవిధ్యం నభూతో నభవిష్యతి. ముంబై బ్యాక్‌డ్రాప్‌లో సాగే మాస్ క్యారెక్టర్ జానీ ఎంట్రీ నుండి.. శోభన, దివ్యభారతిలతో సాగే రొమాంటిక్ ట్రాక్స్.. కోట శ్రీనివాసరావు కాంబినేషన్ సన్నివేశాల్లో విజిల్స్ పడేలా చిరు నటవిశ్వరూపం పండించారు. ముఖ్యంగా ఆయన బాడీ లాంగ్వేజ్, ఆటిట్యూడ్, నైజాం-బాంబే యాస కలగలిపిన డైలాగ్ డెలివరీ అప్పట్లో యూత్‌కు విపరీతంగా కనెక్ట్ అయి పిచ్చెక్కించింది.
`రౌడీ అల్లుడు` విజయంలో చిరులోని ఎవర్ గ్రీన్ కామెడీ టింజ్ ప్రధాన పాత్ర పోషించింది. ఆటో డ్రైవర్‌గా ఆయన పండించిన కామెడీ టైమింగ్... డబుల్ రోల్ కన్ఫ్యూజన్ డ్రామాలో ఇచ్చే ఎక్స్‌ప్రెషన్స్ థియేటర్లలో నవ్వుల పువ్వులు పూయించాయి. క్లాస్ ప్లేస్‌లోకి మాస్ మనిషి వెళ్లినప్పుడు... అలాగే మాస్ ఏరియాలోకి క్లాస్ బిజినెస్‌మన్ వెళ్లినప్పుడు జరిగే డబుల్ రోల్ ట్విస్టులను చిరు అద్భుతంగా పండించి.. డబుల్ రోల్స్‌ని టాలీవుడ్‌లో సరికొత్తగా రీడిఫైన్ చేశారు.
అయితే నేటి ఏఐ- డిజిట‌ల్ యుగంలో.. సైన్స్ ఫిక్షన్ ట్రెండ్‌లో అభిమానులు ఒక క్రేజీ ఫాంటసీలోకి వెళ్తున్నారు. ``బాసూ ఇది వింటున్నారా? `రౌడీ అల్లుడు` లాంటి మాస్, కామెడీ పాత్రను రోబో 2.0 తరహా కాన్సెప్ట్‌తో జోడించి, భారీ వీఎఫ్ఎక్స్ తో రోబోటిక్స్ ఫిక్షన్ బ్యాక్‌డ్రాప్‌లో సీక్వెల్ తీస్తే ఎలా ఉంటుంది? అని నెటిజన్లు సరదాగా ప్రశ్నిస్తున్నారు. జానీ క్యారెక్టర్‌కు ఏఐ క్లోనింగ్ లేదా రోబోటిక్ వెర్షన్‌ను యాడ్ చేసి సినిమా తీస్తే బాక్సాఫీస్ వద్ద రికార్డులు తిరగరాయడం ఖాయమని ఫ్యాన్స్ సోషల్ మీడియాలో చర్చించుకుంటున్నారు.
ప్రస్తుతం గ్రాఫిక్స్, వీఎఫ్ఎక్స్ (VFX) హంగామా ఎంత భారీగా ఉన్నప్పటికీ అలాంటి సైన్స్ ఫిక్షన్ ప్రయోగాలు చేయడం అంత సులభం కాదనే అభిప్రాయం కూడా వ్యక్తమవుతోంది. ఇప్పటికే భారీ విజువల్ ఎఫెక్ట్స్‌తో వస్తున్న `విశ్వంభర` ప్రాజెక్ట్ మేకింగ్ శ్రమను అర్థం చేసుకున్న ప్ర‌జ‌లు.. మెగాస్టార్ ఇప్పట్లో మరో ఫాంటసీ ఫిక్షన్ లేదా రోబోటిక్స్ ఆధారిత సీక్వెల్ సాహసం చేస్తారా అని ప్రశ్నిస్తున్నారు. ఏది ఏమైనా 35 ఏళ్ల తర్వాత కూడా `రౌడీ అల్లుడు` మ్యాజిక్, దాని ఆధారంగా వస్తున్న కాన్సెప్ట్ ఆలోచనలు చిరు మాసిజం సృష్టించిన ప్రభావాన్ని స్పష్టం చేస్తున్నాయి.