గర్భం దాల్చిన చిన్నారి పెళ్ళికూతురు.. నిజమేనా?

తెలుగు ప్రేక్షకుల గుండెల్లో చెరగని ముద్ర వేసుకున్న 'చిన్నారి పెళ్లికూతురు' అవికా గోర్, ఇప్పుడు సోషల్ మీడియాలో హాట్ టాపిక్‌గా మారింది. తన భర్త మిలింద్ చంద్వానీతో కలిసి ఒక ఈవెంట్‌లో ఫోటోలకు పోజులిస్తుండగా, ఆమెకు అకస్మాత్తుగా వాంతులు రావడం అందరినీ ఆశ్చర్యపరిచింది. వెంటనే ఆమె భర్త అప్రమత్తమై ఫోటోలు తీయవద్దని, ఏమీ అడగవద్దని కోరడంతో.. నెటిజన్లు రకరకాలుగా చర్చించుకుంటున్నారు. అవికా గోర్ త్వరలోనే తల్లి కాబోతోందా? ఈ టీవీ ఫేవరెట్ కపుల్ ఇంట్లోకి కొత్త అతిథి రాబోతున్నారా? అన్న అనుమానాలు ఇప్పుడు వ్యక్తం అవుతున్నాయి. ఆ వివరాలు ఇలా వున్నాయి..

వైరల్ వీడియో - అసలేం జరిగింది?:

సోషల్ మీడియాలో వైరల్ అవుతున్న ఒక వీడియోలో అవికా గోర్ తన భర్తతో కలిసి చాలా సంతోషంగా ఫోటో షూట్‌లో పాల్గొంటోంది. అయితే, అకస్మాత్తుగా ఆమె అసౌకర్యానికి గురై వాంతులు చేసుకున్నట్లు కనిపించింది. అది చూసిన మిలింద్ వెంటనే స్పందించి, కెమెరాలను ఆపమని కోరుతూ ఆమెను లోపలికి తీసుకెళ్లారు. ఈ సంఘటన చూసిన అభిమానులు ఆమె ఆరోగ్య పరిస్థితి గురించి ఆందోళన చెందుతుండగా, మరికొందరు మాత్రం ఇది కచ్చితంగా ప్రెగ్నెన్సీ వల్లేనని సోషల్ మీడియాలో కామెంట్స్ చేస్తున్నారు. వీరిద్దరూ త్వరలోనే గుడ్ న్యూస్ చెబుతారేమోనని ఫాన్స్ ఆసక్తిగా ఎదురుచూస్తున్నారు. మరికొంతమంది మాత్రం రూమర్స్ క్రియేట్ చేయడానికి అవికా ఇలా డ్రామా ఆడిందేమో అనే అనుమానాలు కూడా వ్యక్తం చేస్తున్నారు. మరి ఈ ప్రెగ్నెన్సీ వార్తలు నిజమా లేదా అన్నది తెలియాలి అంటే అవికా లేదా మిలింద్ ఇద్దరిలో ఎవరో ఒకరు స్పందించాల్సిందే.

బుల్లితెర స్టార్ నుంచి వెండితెర దాకా:

అవికా గోర్ అనగానే మనకు వెంటనే గుర్తొచ్చేది 'చిన్నారి పెళ్లికూతురు' (బాలికా వధు) సీరియల్. ఆనంది పాత్రలో ఆమె నటన దేశవ్యాప్తంగా విపరీతమైన క్రేజ్ తెచ్చిపెట్టింది. ఆ తర్వాత తెలుగులో ఉయ్యాల జంపాల సినిమాతో హీరోయిన్‌గా ఎంట్రీ ఇచ్చి తన నటనతో మెప్పించింది. ఇక లక్ష్మీ రావే మా ఇంటికి, సినిమా చూపిస్త మామ వంటి హిట్ సినిమాల్లో నటించి ఇక్కడ కూడా మంచి ఫాలోయింగ్ సంపాదించుకుంది. కెరీర్ పరంగా ఎంత బిజీగా ఉన్నా, తన వ్యక్తిగత జీవితానికి సంబంధించిన విశేషాలను కూడా ఆమె ఫ్యాన్స్‌తో పంచుకుంటూనే ఉంటుంది.

అవికా గోర్, మిలింద్ చంద్వానీలు టెలివిజన్ రంగంలోనే బెస్ట్ కపుల్‌గా పేరు తెచ్చుకున్నారు. వీరిద్దరి మధ్య ఉన్న బాండింగ్ చూసి ఫ్యాన్స్ ఎప్పుడూ మురిసిపోతుంటారు. ఇక ఇప్పుడు ఈ వాంతుల ఘటనతో ప్రెగ్నెన్సీ వార్తలు ఊపందుకున్నాయి. అయితే, దీనిపై అవికా కానీ, మిలింద్ కానీ అధికారికంగా ఎలాంటి ప్రకటన చేయలేదు. ఇది కేవలం వాతావరణ మార్పుల వల్ల వచ్చిన అనారోగ్యమా లేక నిజంగానే శుభవార్తా అన్నది తెలియాల్సి ఉంది. ఇక ఏదేమైనా తమ అభిమాన నటి నుంచి మంచి వార్త వింటామని ఫ్యాన్స్ ఆశిస్తున్నారు. మొత్తానికి అవికా గోర్ వైరల్ వీడియో ఇప్పుడు టాలీవుడ్ మరియు బాలీవుడ్ సర్కిల్స్‌లో చర్చలకు దారితీసింది. మరి ఈ వార్తల్లో ఎంత నిజముందో తెలియాలంటే కొద్ది రోజులు ఆగాల్సిందే.