AA23పై బిగ్ అప్డేట్.. సినిమా లాంచ్ ఎప్పుడంటే?
టాలీవుడ్ ఐకాన్ స్టార్ అల్లు అర్జున్, కోలీవుడ్ సెన్సేషనల్ డైరెక్టర్ లోకేష్ కనగరాజ్ కాంబినేషన్లో రాబోతున్న భారీ చిత్రం #AA23పై బిగ్ అప్డేట్ బయటకు వచ్చింది.
టాలీవుడ్ ఐకాన్ స్టార్ అల్లు అర్జున్, కోలీవుడ్ సెన్సేషనల్ డైరెక్టర్ లోకేష్ కనగరాజ్ కాంబినేషన్లో రాబోతున్న భారీ చిత్రం #AA23పై బిగ్ అప్డేట్ బయటకు వచ్చింది. మైత్రీ మూవీ మేకర్స్ బ్యానర్పై అనిరుధ్ రవిచంద్రన్ సంగీతంలో తెరకెక్కనున్న ఈ క్రేజీ ప్రాజెక్ట్ను మేకర్స్ ప్రకటించినప్పటి నుండి విపరీతమైన హైప్ నెలకొంది. ఇక ఇండియన్ సినిమా చరిత్రలోనే శాశ్వతంగా నిలిచిపోయే మైలురాయిలా ఈ చిత్రం ఉండబోతోందని నిర్మాతలు నవీన్ యెర్నేని, వై. రవిశంకర్ ధీమా వ్యక్తం చేస్తున్నారు. ఇప్పుడు తాజా అప్డేట్ ఫాన్స్ కు సంబరంలా వుంది.
అనిరుధ్ మ్యూజిక్తో అదిరిపోయిన అనౌన్స్మెంట్:
ఈ ఏడాది సంక్రాంతి కి విడుదలైన #AA23 అనౌన్స్మెంట్ వీడియో సోషల్ మీడియాను ఊపేసింది. ఇక రాకింగ్ మ్యూజిక్తో సాగిన ఈ వీడియోలో పలు రకాల జంతువులు, పక్షులను చూపిస్తూ చివరగా యానిమేషన్లో అల్లు అర్జున్ కళ్లను పవర్ఫుల్గా చూపించారు. ఈ క్రేజీ ప్రాజెక్ట్ షూటింగ్ ఈ ఏడాది నవంబర్లోనే ప్రారంభం కానుందనే వార్త వినడంతో అల్లు అర్జున్ అభిమానుల ఆనందానికి అవధులు లేవు.
అట్లీ చిత్రం తర్వాత లోకేష్తో సెట్స్పైకి:
పుష్ప-2 సినిమాతో ప్రపంచవ్యాప్తంగా దాదాపు రూ. 1800 కోట్ల కలెక్షన్లు రాబట్టి గ్లోబల్ స్టార్గా ఎదిగిన అల్లు అర్జున్, ప్రస్తుతం తమిళ దర్శకుడు అట్లీ తో రాక అనే భారీ చిత్రాన్ని చేస్తున్నారు. ప్రస్తుతం శరవేగంగా జరుగుతున్న ఈ ప్రాజెక్ట్ పూర్తి కాగానే, బన్నీ వెంటనే లోకేష్ కనగరాజ్ సినిమా షూటింగ్లో పాల్గొననున్నారు. వరసగా తమిళ టాప్ డైరెక్టర్లతో బన్నీ ప్రాజెక్ట్లు ప్లాన్ చేయడం టాలీవుడ్లో హాట్ టాపిక్గా మారింది.
లోకేష్ కనగరాజ్ బాక్సాఫీస్ క్రేజ్:
తనదైన మేకింగ్ శైలితో లోకేష్ కనగరాజ్కు దేశవ్యాప్తంగా మంచి గుర్తింపు ఉంది. ఆయన దర్శకత్వంలో రజనీకాంత్, నాగార్జున, ఆమిర్ ఖాన్ వంటి ప్రముఖ నటులతో వచ్చిన ‘కూలీ’ చిత్రం తీవ్రమైన పోటీలోనూ ఏకంగా రూ. 500 కోట్లకు పైగా వసూళ్లను సాధించి తన బాక్సాఫీస్ స్టామినా ఏంటో నిరూపించింది. ఇక ఇప్పుడు అల్లు అర్జున్తో లోకేష్ జతకడుతుండటంతో అంచనాలు ఆకాశాన్ని తాకుతున్నాయి.
ఇండియన్ సినిమాలో సంచలన కాంబో:
పుష్ప క్రేజ్తో పాన్-ఇండియా రేంజ్ను దాటేసిన అల్లు అర్జున్ మాస్ అప్పీల్, లోకేష్ కనగరాజ్ మార్క్ యాక్షన్ డ్రామా, అనిరుధ్ అందించే పవర్ఫుల్ బ్యాక్గ్రౌండ్ మ్యూజిక్ కలగలిసి థియేటర్లలో సరికొత్త సంచలనం సృష్టించడం ఖాయంగా కనిపిస్తోంది. ఇక నవంబర్ నుంచి సెట్స్పైకి వెళ్లనున్న ఈ విజువల్ వండర్ బాక్సాఫీస్ వద్ద ఎన్ని కొత్త రికార్డులను నమోదు చేస్తుందో వేచి చూడాలి.