రాకా వర్సెస్ ఘోష్: అన్ని కోట్లు పెట్టి సినిమా తీసి లుక్ రిలీజ్ చేస్తే..!
సాధారణంగా ఇలాంటి పెద్ద సినిమాల లుక్స్ను పోలుస్తూ మీమ్స్ చేసినప్పుడు అభిమానులు సీరియస్ అవుతుంటారు.;
`పుష్ప-2` సినిమాలోని అల్లు అర్జున్ `రాకా` (RAAKA) లుక్ విడుదలైన తర్వాత సోషల్ మీడియాలో భారీ సంచలనం సృష్టించింది. ఈ లుక్ పై కొన్ని విమర్శలు ఉన్నా అట్లీ ఏదో కొత్తగా ట్రై చేస్తున్నాడని అభిమానులు భావిస్తున్నారు. అయితే ఈ లుక్ను ఫ్యాన్స్ తమదైన శైలిలో సరదాగా మారుస్తూ కమెడియన్ అజయ్ ఘోష్ ఫోటోతో పోలుస్తూ చేసిన మీమ్స్ నెట్టింట్లో వైరల్గా మారాయి. సహజ సిద్ధమైన బట్టతలతో ఉండే అజయ్ ఘోష్ ఫోటోను, రాకా గెటప్తో సింక్ చేస్తూ చేసిన ఈ ఫన్ ఎడిటింగ్ అందరినీ విపరీతంగా ఆకట్టుకుంది.
ఈ మీమ్స్ గురించి `పాపం ప్రతాప్` మూవీ ప్రమోషనల్ ఈవెంట్లో యాంకర్ స్రవంతి చోకారపు అడిగిన ప్రశ్నకు అజయ్ ఘోష్ చాలా సరదాగా స్పందించారు. ``నిజానికి ఆ ఫోటోలు ఎలా వచ్చాయో నాక్కూడా తెలియదమ్మా.. ఎవరో నాకు పంపారు`` అని ఆయన నవ్వుతూ చెప్పారు. కోట్లు పెట్టి తీసిన ఒక భారీ సినిమా లుక్ను.. ఫ్యాన్స్ తన ఫోటోతో పోల్చి ఏఐలో ఇలా తయారు చేయడం చూసి తాను కూడా ఆశ్చర్యపోయానని ఆయన పేర్కొన్నారు.
కేవలం ఫన్ కోసమే!
ఈ లుక్ క్రియేషన్ వెనుక ఎలాంటి నెగటివ్ ఉద్దేశం లేదు.. ఫ్యాన్స్ కేవలం సరదా కోసం మాత్రమే ఇలా చేశారని అనుకోవచ్చు. తన సహజ సిద్ధమైన బట్టతలను వారు ఒక ఫన్నీ మీమ్గా మార్చడాన్ని అజయ్ ఘోష్ క్రీడాస్ఫూర్తితో తీసుకున్నారు. స్రవంతి తనదైన మాటలతో అజయ్ ఘోష్ ఆహార్యాన్ని, ఆ లుక్లోని చమత్కారాన్ని వర్ణించగా.. ఆ సంభాషణ ప్రస్తుతం సోషల్ మీడియాలో చర్చనీయాంశంగా మారింది.
సాధారణంగా ఇలాంటి పెద్ద సినిమాల లుక్స్ను పోలుస్తూ మీమ్స్ చేసినప్పుడు అభిమానులు సీరియస్ అవుతుంటారు. కానీ అజయ్ ఘోష్ ఈ విషయాన్ని చాలా పాజిటివ్గా.. హాస్యభరితంగా తీసుకోవడంతో నెటిజన్లు ఆయనపై ప్రశంసలు కురిపిస్తున్నారు. క్రేజీ సినిమాల ప్రమోషన్స్ సమయంలో ఇలాంటి సరదా మీమ్స్ సినిమాకు మరింత ఉచిత ప్రచారాన్ని కల్పిస్తాయనడంలో సందేహం లేదు.
`రాకా` లుక్ ని కామెడీ చేస్తున్నారా?
ఇది ఫ్యాన్స్ కేవలం ఫన్ కోసం మాత్రమే చేసారు.. ఇందులో ఎలాంటి ఇంటెన్షన్ లేదు.. నటుడు అజయ్ ఘోష్ సహజసిద్ధమైన బట్టతలపై దీనిని ఫన్నీ మీమ్ గా చూడాల్సి ఉంటుంది. యాంకర్ స్రవంతి చోకారపు తన చక్కనైన ఆహార్యం, అందమైన రూపం.. అద్భుత సంభాషణలతో మైమరిచిపోయేలా అజయ్ ఘోష్ రాకా లుక్ గురించి వర్ణించారు.
సెలబ్రిటీల మీమ్స్.. సానుకూల దృక్పథం
సెలబ్రిటీలు తమపై వచ్చే పేరడీలను లేదా మీమ్స్ను సరదాగా స్వీకరించడం వల్ల వారి ఇమేజ్ ప్రజల్లో మరింత మెరుగుపడుతుంది. సాధారణంగా నటులు అంటే కేవలం తెరపై కనిపించే గంభీరమైన వ్యక్తులనే భావన ప్రేక్షకుల్లో ఉంటుంది. కానీ ఇలాంటి సందర్భాల్లో వారు స్పందించే తీరు వారిలోని `స్పోర్టివ్ స్పిరిట్`ను బయటపెడుతుంది. తమపై తాము జోక్స్ వేస్తూ నవ్వుకోగలగడం అనేది గొప్ప పరిణతికి నిదర్శనం. దీనివల్ల వారు సామాన్య ప్రజలకు మరింత దగ్గరవ్వడమే కాకుండా.. వారిని ఒక స్నేహపూర్వకమైన వ్యక్తులుగా సమాజం గుర్తిస్తుంది.
మరోవైపు ఇలాంటి ప్రతిస్పందనలు సోషల్ మీడియాలో వచ్చే అనవసరపు నెగటివిటీని సమర్థవంతంగా అడ్డుకుంటాయి. ఒక సెలబ్రిటీ తనపై వచ్చిన మీమ్ను చూసి కోప్పడితే అది వివాదానికి దారితీస్తుంది.. కానీ అజయ్ ఘోష్ లాగా నవ్వుతూ స్వీకరిస్తే అది కేవలం ఆరోగ్యకరమైన వినోదంగా మిగిలిపోతుంది. అజయ్ ఘోష్ ఓ కీలక పాత్రలో నటించిన `పాపం ప్రతాప్` ఈ నెలలో విడుదలకు సిద్ధమవుతోంది. తిరువీర్ ఈ చిత్రంలో హీరోగా నటించగా దుర్గ నరేష్ దర్శకత్వం వహించారు. అల్లరి నరేష్, హరీష్ శంకర్ అతిథులుగా ఈవెంట్ వీక్షకులను అలరించింది.