సలార్ 2.. మరో భయంకరమైన పాత్ర

ప్రభాస్ నటిస్తున్న సలార్ 2 ప్రాజెక్ట్ రెగ్యులర్ షూటింగ్ త్వరలో ప్రారంభం కానుంది. సంచలన దర్శకుడు ప్రశాంత్ నీల్ ఈసారి ప్రభాస్ లేకుండా షూటింగ్ ప్రారంభించడానికి సిద్దంగా ఉన్నారు. అందుకు కారణం, ప్రభాస్ నెక్స్ట్ ప్రాజెక్టు "కల్కి 2898 ఏడి" సినిమా ప్రమోషన్స్ లో బిజీగా ఉండనున్నారు. ఈ విషయంలో త్వరలోనే ఒక అప్డేట్ రాబోతోంది. ఇక సినిమాలో స్టార్ట్ క్యాస్ట్ ఏ రేంజ్ లో ఉందొ స్పెషల్ గా చెప్పనవసరం లేదు.

సలార్ 1 లో భయంకరమైన సైకో విలన్స్ హైలెట్ గా నిలిచారు. ఇక సెకండ్ పార్ట్ శౌర్యంగాపర్వం లో అంతకు మించి అనేలా ఉండబోతున్నట్లు తెలుస్తోంది. సలార్ 2 చిత్రాన్ని హోంబలే ఫిలిమ్స్ నిర్మిస్తోంది. ఈ సినిమాలో పృథ్వీరాజ్ సుకుమారన్, శ్రీయా రెడ్డి, శ్రుతి హాసన్, మరియు టిన్ను ఆనంద్ ముఖ్య పాత్రల్లో కనిపించనున్నారు.

ఇక లేటెస్ట్ గా వినిపిస్తున్న టాక్ ప్రకారం సినిమాలో మరో భయంకరమైన క్యారెక్టర్ ప్రవేశించబోతున్నట్లు తెలుస్తోంది. ప్రసిద్ధ మలయాళ నటుడు షైన్ టామ్ చాకో ఈ ప్రతిష్టాత్మక సీక్వెల్ లో కీలక పాత్ర పోషించనున్నారట. షైన్ టామ్ చాకో పాత్రకు సంబంధించిన వివరాలు ఇంకా వెల్లడి కాలేదు, కానీ అతని పాత్ర పవర్ఫుల్ గా ఉండబోతుందని టాక్స్ వినిపిస్తున్నాయి.

మలయాళ సినీ పరిశ్రమలో తన ప్రత్యేక గుర్తింపు సంపాదించుకున్న షైన్ టామ్ చాకో విలన్ పాత్రలతో ఒక వైబ్ క్రియేట్ చేయగలడు. నాని నటించిన దసరా సినిమాతో టాలీవుడ్ ప్రేక్షకులకు సుపరిచితమయ్యాడు. ఇప్పుడు సలార్ 2 లో అతను భాగమైతే, తెలుగు సినీ పరిశ్రమలో తన కెరీర్ మరింత మెరుగుపడే అవకాశం ఉంది. షైన్ టామ్ చాకో టాలీవుడ్ లో తన తొలి అడుగు వేస్తూ, దసరా సినిమాతో మంచి గుర్తింపు తెచ్చుకున్నాడు.

సలార్ 2 లో అతని పాత్ర ఏవిధంగా ఉంటుందోనని ప్రేక్షకులు అభిమానులు ఆసక్తిగా ఎదురు చూస్తున్నారు. ఈ అవకాశం అతని కెరీర్ కి పెద్ద మలుపు తీసుకురావచ్చని సినీ విశ్లేషకులు భావిస్తున్నారు. సలార్ 2 ప్రాజెక్ట్ పై అంచనాలు ఇప్పటికే గట్టిగా ఉన్నాయి. హై వోల్టేజ్ కాంబినేషన్ లో రూపొందిన ఈ చిత్రం, సలార్ విజయాన్ని మరింత ఎత్తుకు తీసుకెళ్లడం ఖాయంగా కనిపిస్తోంది. ఈ నేపథ్యంలో షైన్ టామ్ చాకో పాత్ర ఈ సినిమాకు కొత్త ఉత్సాహం తెచ్చిపెట్టనుంది.

అతని పాత్ర గురించి మరిన్ని వివరాలు తెలియజేయాల్సి ఉంది. ఇక సలార్ సినిమా షూటింగ్ ను ఇదే ఏడాదిలో ఫినిష్ చేయాలని దర్శకుడు ప్రణాళికలు రచిస్తూ ఉన్నాడు. ఇక సినిమాను వచ్చే ఏడాది సమ్మర్ తర్వాత విడుదల చేయాలని కూడా అనుకుంటున్నారు. మరి ఈ ప్లాన్ ఎంతవరకు వర్కౌట్ అవుతుందో చూడాలి. సలార్ 2 తర్వాత దర్శకుడు ప్రశాంత్ ఎన్టీఆర్ తో తన తదుపరి ప్రాజెక్టును మొదలుపెట్టనున్నాడు.