సీఎం జగన్.. అధికారిక చిత్రం ఇదే..

ఆంధ్రప్రదేశ్ నూతన ముఖ్యమంత్రిగా ప్రమాణ స్వీకారం చేసిన వెంటనే జగన్ పాలనలో స్పీడు పెంచారు. వరుసగా సమీక్షలు నిర్వహిస్తూ సంచలన నిర్ణయాలు తీసుకుంటున్నారు. రెండు రోజుల్లోనే పాలనలో మార్పులు తీసుకువస్తున్నాడు. టీడీపీ హయాంలో ప్రవేశపెట్టిన పథకాల పేర్లను మార్చేశారు. అంతేకాదు.. టీడీపీ పేరుతో ఉన్న అన్న క్యాంటీన్లను కూడా రాజన్న క్యాంటీన్లుగా మారుస్తూ నిర్ణయాలు తీసుకున్నారు.

ప్రస్తుతం జగన్ అధికారం చేపట్టడంతో ఇన్నాళ్లు ప్రతీ ప్రభుత్వ కార్యాలయంలో ప్రొటో కాల్ ప్రకారం ఉన్న చంద్రబాబు ఫొటోలను అధికారులు తొలగించారు. ఇప్పుడు బాబు స్థానంలో వైఎస్ జగన్ ఫొటోను పెట్టారు. జగన్ సీఎం అయ్యాక ఆయన అధికారికంగా దిగిన ఫొటో ఎలా ఉంటుందనే ఆసక్తి అందరిలోనూ ఉంటుంది. తాజాగా అన్ని ప్రభుత్వ కార్యాలయాల్లోనూ జగన్ ఫొటోను పెట్టేశారు. ఆ ఫొటో ఇప్పుడు వైరల్ గా మారింది.

జగన్ ఇచ్చిన హామీ ప్రకారం ఒకటి రెండు రోజుల్లోనే ఫించన్లు వృద్ధులకు అందనున్నాయి. ఇక ప్రభుత్వ పథకాలు కూడా లబ్ధిదారులకు అందనున్నాయి. వాటన్నింటిపై ఇక జగన్ ఫొటోను అధికారికంగా ముద్రించనున్నారు. ప్రభుత్వం విడుదల చేసిన జగన్ ఆ అధికారిక చిత్రం ఆకట్టుకుంటోంది.