టీ బీజేపీకి అమిత్‌ షా పెట్టిన ప‌రీక్ష ఇది

తెలంగాణ బీజేపీ..మ‌రోసారి కీల‌క ప‌రీక్ష ఎదుర్కోనుంది. రాష్ట్రంలో అధికారం కోసం క‌స‌ర‌త్తు చేస్తున్నామ‌ని...సీఎం పీఠంపై ఉన్న కేసీఆర్‌ను కుర్చీ నుంచి దింప‌డ‌మే త‌మ‌ ల‌క్ష్య‌మ‌ని తెలంగాణ బీజేపీ ప్ర‌తిసారి ప్ర‌క‌టిస్తున్న సంగ‌తి తెలిసిందే. ఈ మేర‌కు ప్ర‌ణాళిక‌లు వేస్తున్న‌ప్ప‌టికీ అవి అమ‌లవుతున్న‌వి త‌క్కువే. ఈ క్ర‌మంలో ఇటీవ‌లే కీల‌క ప‌రిణామం చోటుచేసుకున్నాయి. బీజేపీ జాతీయ అధ్య‌క్షుడు అమిత్ షా త్వ‌ర‌లో రాష్ట్రంలో ప‌ర్య‌టిస్తార‌ని తెలంగాణ బీజేపీ ప్ర‌క‌టించింది. అయితే ఈ టూర్ హ‌ఠాత్తుగా ర‌ద్దు అయింది. అయితే, తాజాగా ఇందుకు సంబంధించిన కీలక ప‌రిణామం తెర‌మీద‌కు వ‌చ్చింది.

ప్రభుత్వంపై యుద్ధం ప్రకటించి ప్రజల ముందు కాంగ్రెస్ ను - టీఆర్ ఎస్ ను దోషిగా నిలబెడతామ‌న్నారు. కాంగ్రెస్ పార్టీ ప్రజలను తప్పుదోవ పట్టించే విధంగా టీఆర్ ఎస్-బీజేపీ రహస్య ఒప్పందం జరిగిందని విషప్రచారం చేస్తోంద‌ని, తామేం చేసిన బహిరంగంగానే చేస్తామ‌ని ఆయ‌న స్ప‌ష్టం చేశారు.

అయితే అమిత్‌ షా టూర్ తెలంగాణ బీజేపీ నేత‌ల‌కు ప‌రీక్ష అని అంటున్నారు. ఇటీవ‌లి కాలంలో ప‌లువురు నేత‌లు బీజేపీకి గుడ్ బై చెప్తుండ‌టం - మ‌రోవైపు కొత్త‌గా నాయ‌కులు చేర‌ని కార‌ణాల వ‌ల్లే అమిత్ షా జూన్ 22వ తేదీ ప‌ర్య‌ట‌న ర‌ద్దైంద‌నేది పార్టీ వ‌ర్గాల్లో టాక్‌. ఈ నేప‌థ్యంలో ఆయ‌న తిరిగి రాష్ట్రంలో ప‌ర్య‌టించే నాటికి అయినా...పార్టీని బ‌లోపేతం చేయాల‌ని ఢిల్లీ పెద్ద‌లు సూచించినట్లు స‌మాచారం. తాజాగా షా టూర్ నేప‌థ్యంలో రాష్ట్రవ్యాప్త ప‌ర్య‌ట‌న వెనుక మ‌త‌ల‌బు ఇదేనంటున్నారు. ఈ నేప‌థ్యంలో బీజేపీ అగ్ర‌నేత ప‌ర్య‌ట‌న పార్టీకి బ‌లం చేకూర్చే అంశం కంటే వారికి ప‌రీక్ష‌గా మారే ప‌రిణామాలే ఎక్కువ‌గా ఉన్నాయ‌ని చెప్తున్నారు.