Begin typing your search above and press return to search.
కేసీఆర్ కత్తి తీశారు..ఏబీఎన్ రాధాకృష్ణకు ఇబ్బందేనబ్బా?
By: Tupaki Desk | 22 May 2019 4:39 PM GMT
తెలంగాణలో అధికార టీఆర్ ఎస్ - ఏబీఎన్ ఆంధ్రజ్యోతి మధ్య కొనసాగుతున్న దాగుడు మూతలు దాదాపుగా తొలగిపోయినట్టే. ఆదిలో సీఎం కేసీఆర్ తో ఢీ అంటే ఢీ అన్న ఏబీఎన్ ఆంధ్రజ్యోతి ఎండీ వేమూరి రాధాకృష్ణ... ఆ తర్వాత ఎలాగోలా రాజీ చేసుకున్నారు. అయితే ఈ దోస్తానా... తెలంగాణ అసెంబ్లీ ఎన్నికల ముందు నాటి వరకే కొనసాగింది. ఎన్నికల సమయంలో తన పాత వైఖరినే చూపెట్టిన రాధాకృష్ణ... టీఆర్ ఎస్ కు వ్యతిరేకంగానే వెళ్లారు. ఎన్నికల్లో టీఆర్ ఎస్ విజయం - కేసీఆర్ రెండోసారి సీఎం అయిన తర్వాత కూడా ఏబీఎన్ తీరులో మార్పు రాలేదు. అంతేకాకుండా కేసీఆర్ సర్కారు ప్రతిష్ఠను మరింత దిగజార్చేలా ఆంధ్రజ్యోతిలో వార్తలు ప్రచురితమవుతున్నాయి.
మొన్నటిదాకా ఓపిగ్గానే ఉన్న కేసీఆర్... అవకాశం కోసం ఎదురుచూస్తున్నట్లుగా వార్తలు వినిపించాయి. ఆ అవకాశాన్ని కూడా ఆంధ్రజ్యోతే అందించినట్టైంది. తెలంగాణ ఆర్థిక పరిస్థితి బాగా దిగజారిపోయిందని మొన్న ఓ వార్తా కథనాన్ని ప్రచురించింది. దీనిపై తెలంగాణ ఆర్థిక శాఖ కార్యదర్శి రామకృష్ణ ఆ కథనాన్ని ఖండిస్తూ వివరణ కూడా ఇచ్చారు. అయినా తగ్గని ఆంధ్రజ్యోతి... నిన్న మరో సంచలన కథనాన్ని ప్రచురించింది. ఈ కథనంలో తెలంగాణలోని మొత్తం అన్ని జిల్లాల్లో పనులు ఆగిపోయాయని - సర్కారు నుంచి బిల్లులు మంజూరు కాకపోవడంతో కాంట్రాక్టర్లంతా పనులు నిలిపివేశారని సంచలన వ్యాఖ్యలు చేసింది. ఈ వరుస కథనాలపై కేసీఆర్ తీవ్ర ఆగ్రహానికి గురయ్యారట. ఏబీఎన్ రాధాకృష్ణకు లీగల్ నోటీసులు జారీ చేయాలని ఆయన ఇప్పటికే అధికారులకు ఆదేశాలు జారీ చేశారట.
ప్రస్తుతం సార్వత్రిక ఎన్నికల నేపథ్యంలో అమల్లో ఉన్న కోడ్ ముగియగానే... ఈ దిశగా ఏబీఎన్ పై మరింత కఠిన చర్యలు తీసుకోవడానికి కూడా రంగం సిద్ధమవుతున్నట్లుగా తెలుస్తోంది. ఈ కఠిన చర్యలు ఎలా ఉండబోతున్నాయన్న అంశంలోకి వస్తే... ఏబీఎన్ పై క్రిమినల్ కేసులు నమోదు చేయడంతో పాటుగా ఏబీఎన్ ఆంధ్రజ్యోతితో పాటు ఆంధ్రజ్యోతి దినపత్రికకు కూడా యాడ్స్ నిలిపివేసే అవకాశాలున్నాయట. ఇప్పటికే ఈ రెండింటిపై అధికారులకు కేసీఆర్ నుంచి ఆదేశాలు వెళ్లినట్టుగానూ ప్రచారం సాగుతోంది. ఇదిలా ఉంటే... ఏబీఎన్ చేసిన తప్పునకు.. ఆ పత్రిక - టీవీ ఛానెల్ లో పనిచేస్తున్న జర్నలిస్టులకు అక్రిడిటేషన్లను కూడా రద్దు చేసే దిశగానూ కేసీఆర్ సంచలన నిర్ణయం తీసుకునే అవకాశాలు కూడా లేకపోలేదన్న వార్తలు వినిపిస్తున్నాయి. మొత్తంగా త్వరలోనే ఆంద్రజ్యోతికి తెలంగాణ లో గట్టి దెబ్బే తగలబోతోందన్న మాట.
మొన్నటిదాకా ఓపిగ్గానే ఉన్న కేసీఆర్... అవకాశం కోసం ఎదురుచూస్తున్నట్లుగా వార్తలు వినిపించాయి. ఆ అవకాశాన్ని కూడా ఆంధ్రజ్యోతే అందించినట్టైంది. తెలంగాణ ఆర్థిక పరిస్థితి బాగా దిగజారిపోయిందని మొన్న ఓ వార్తా కథనాన్ని ప్రచురించింది. దీనిపై తెలంగాణ ఆర్థిక శాఖ కార్యదర్శి రామకృష్ణ ఆ కథనాన్ని ఖండిస్తూ వివరణ కూడా ఇచ్చారు. అయినా తగ్గని ఆంధ్రజ్యోతి... నిన్న మరో సంచలన కథనాన్ని ప్రచురించింది. ఈ కథనంలో తెలంగాణలోని మొత్తం అన్ని జిల్లాల్లో పనులు ఆగిపోయాయని - సర్కారు నుంచి బిల్లులు మంజూరు కాకపోవడంతో కాంట్రాక్టర్లంతా పనులు నిలిపివేశారని సంచలన వ్యాఖ్యలు చేసింది. ఈ వరుస కథనాలపై కేసీఆర్ తీవ్ర ఆగ్రహానికి గురయ్యారట. ఏబీఎన్ రాధాకృష్ణకు లీగల్ నోటీసులు జారీ చేయాలని ఆయన ఇప్పటికే అధికారులకు ఆదేశాలు జారీ చేశారట.
ప్రస్తుతం సార్వత్రిక ఎన్నికల నేపథ్యంలో అమల్లో ఉన్న కోడ్ ముగియగానే... ఈ దిశగా ఏబీఎన్ పై మరింత కఠిన చర్యలు తీసుకోవడానికి కూడా రంగం సిద్ధమవుతున్నట్లుగా తెలుస్తోంది. ఈ కఠిన చర్యలు ఎలా ఉండబోతున్నాయన్న అంశంలోకి వస్తే... ఏబీఎన్ పై క్రిమినల్ కేసులు నమోదు చేయడంతో పాటుగా ఏబీఎన్ ఆంధ్రజ్యోతితో పాటు ఆంధ్రజ్యోతి దినపత్రికకు కూడా యాడ్స్ నిలిపివేసే అవకాశాలున్నాయట. ఇప్పటికే ఈ రెండింటిపై అధికారులకు కేసీఆర్ నుంచి ఆదేశాలు వెళ్లినట్టుగానూ ప్రచారం సాగుతోంది. ఇదిలా ఉంటే... ఏబీఎన్ చేసిన తప్పునకు.. ఆ పత్రిక - టీవీ ఛానెల్ లో పనిచేస్తున్న జర్నలిస్టులకు అక్రిడిటేషన్లను కూడా రద్దు చేసే దిశగానూ కేసీఆర్ సంచలన నిర్ణయం తీసుకునే అవకాశాలు కూడా లేకపోలేదన్న వార్తలు వినిపిస్తున్నాయి. మొత్తంగా త్వరలోనే ఆంద్రజ్యోతికి తెలంగాణ లో గట్టి దెబ్బే తగలబోతోందన్న మాట.
