2019కి తెలంగాణ ఎలా ఉంటుందో తెలుసా?

కలల ప్రపంచాన్ని తరచూ ఆవిష్కరించే తెలంగాణ రాష్ట్ర ముఖ్యమంత్రి కేసీఆర్.. తాజాగా అలాంటి స్వప్నాన్ని ఒకటి ఆవిష్కరించారు. మూడేళ్ల తర్వాత.. అంటే 2019నాటికి తెలంగాణ ముఖ చిత్రం ఎలా ఉంటుందో తెలుసా? అంటూ ఒక పెద్ద కలను ఆవిష్కరించారు. ఈ స్వప్నంలో ఆసక్తికర అంశాలు చాలానే ఉన్నాయి. ఖమ్మం జిల్లాకు చెందిన కాంగ్రెస్ పార్టీకి చెందిన నేతలు.. కార్యకర్తలు.. మద్దతు దారులు పలువురు టీఆర్ ఎస్ లో చేరిన సందర్భంగా కేసీఆర్ మాట్లాడారు. ఈ సందర్భంగా 2019 నాటికి తెలంగాణ ముఖచిత్రం ఎలా ఉంటుందో చెప్పుకొచ్చారు. పార్టీలో చేరే వారికి సరికొత్త ఉత్సాహాన్ని కల్పించారు.

2019 నాటికి తెలంగాణ ఎలా ఉంటుందో కేసీఆర్ మాటల్లోనే చెబితే..

= హైదరాబాద్ బాగా అభివృద్ధి చెందింది. ఇకపై దృష్టి పెడతా

= రానున్న రోజుల్లో జిల్లాల్లోనే ఎక్కువగా గడుపుతా

= 2019 నాటికి రాష్ట్ర బడ్జెట్ రూ.1.60లక్షల కోట్లు ఉంటుంది

= వార్షిక వృద్ధి రేటు 12 శాతం నమోదు అవుతున్నది తెలంగాణ రాష్ట్రమే

= 2019 నాటికి వృద్ధి రేటు మరింత భారీగా పెంచేస్తాం

= ఉభయ గోదావరి జిల్లాల మాదిరి ఖమ్మం జిల్లాను అభివృద్ధి చేస్తాం

= ఖమ్మం జిల్లా మొత్తానికి సాగునీరు అందిస్తాం

= రాజీవ్.. ఇందిరాసాగర్ లను ఏకం చేసి ఖమ్మం జిల్లాకు 5లక్షల ఎకరాలకు సాగునీరు అందిస్తాం

= ఖమ్మం పట్టణానికి ఈ ఏడాది 2 వేల డబుల్ బెడ్ రూం ఇళ్లు కట్టిస్తాం

= బీసీలకు సహా రేషన్ కార్డు ఉన్న ప్రతిఒక్కరికి కళ్యాణ లక్ష్మి పథకాన్ని అమలు చేస్తాం