లేచిపోయిన భార్య..భర్తకు 71 గొర్రెల నష్టపరిహారం

Sun Aug 18 2019 16:57:48 GMT+0530 (IST)

వివాహేతర సంబంధం పెట్టుకొని భార్య వేరే వ్యక్తితో పారిపోయింది. మామూలుగా భగ్న భర్తలు ఏం చేస్తారు.. పెళ్లాన్ని చీకొడతారు.. చీత్కరిస్తారు.. కోపోద్రిక్తులైన కొందరు ప్రతీకారంతో భార్యను ఆయె ప్రియుడిని ఆవేశంలో హత్యలు చేసిన సందర్భాలు మన కళ్లముందు ఉన్నాయి.. కానీ ఈ యూపీ మొగుడేంట్రా బాబు.. పెళ్లానికి బదులు 71 గొర్రెలు తీసుకున్నాడు. ఉత్తర భారతంలో చోటుచేసుకున్న ఈ ఘటన చూసి ఇప్పుడు నవ్వాలో ఏడ్వాలో అర్థం కానీ పరిస్థితి నెలకొంది.



ఉత్తరప్రదేశ్ లో ఎన్నో దారుణాలు జరుగుతుంటాయి. మూఢవిశ్వాసాలు - కక్షలు - కార్పణ్యాలు - మతకల్లోలాలు కామన్. అయితే తాజాగా యూపీలోని గోరఖ్ పూర్ జిల్లాలో ఓ వింత గొడవ అక్కడి మీడియా పతాక శీర్షికన వచ్చింది. అసలు విషయం ఏంటంటే.. గోరఖ్ పూర్ జిల్లాని చార్ఫాణి గ్రామం అదీ.. అక్కడ రాజేష్ పాల్-సీమాపాల్ (25) అనే భార్య భర్తలు  నివసిస్తుంటారు. సీమాపాల్ కు ఉమేష్ (27) అనే వేరే వ్యక్తితో వివాహేతర సంబంధం ఉంది. ఈ విషయం గ్రామంలో బయటపడి భర్తకు తెలిసింది. దీంతో ప్రియుడితో కలిసి భార్య సీమాపాల్ పారిపోయింది. ఆ తర్వాత కొద్దిరోజులకు తిరిగొచ్చారు. సీమా అత్తామామ - భర్తలు ఈ విషయంపై గ్రామంలో పంచాయతీ పెట్టారు. భర్తతో కలిసి ఉండనని సీమా ససేమిరా అంది. ఉమేష్ తోనే ఉంటానంది. దీంతో గ్రామ పెద్దలు ఆ ప్రియుడికి శిక్ష విధించారు.  భర్త రాజేష్ పాల్ కు ప్రియుడు ఉమేష్ తన గొర్రెలు 142లో సగం 71 గొర్రెలు నష్టపరిహారంగా ఇవ్వాలని తీర్పునిచ్చారు.. సీమా కోసం ప్రియుడు ఈ గొర్రెలు ఇవ్వడానికి రెడీ అన్నాడు..

అయితే ఈ గొర్రెలను కాస్తున్న ప్రియుడు ఉమేష్ తండ్రి ఒప్పుకోలేదు. మనం నష్టపరిహారం ఇవ్వడం ఏంటనే పోలీస్ స్టేషన్ గడుప తొక్కాడు. దీంతో విషయం వెలుగు చూసింది.  పక్కవ్యక్తి భార్యను తెచ్చుకోవడానికి ప్రియుడు నష్టపరిహారం ఇవ్వడమే ఒక వింత.. ఇక ఆ భర్త తీసుకోవడం పెద్ద వింతై కూర్చుంది. ఈ ఘటన ఇప్పుడు సోషల్ మీడియాలో హాట్ టాపిక్ గా మారింది.