Begin typing your search above and press return to search.
కోడైరెక్టర్‌ పనులు చేపట్టిన నిర్మాత!
By: Tupaki Desk | 4 July 2015 7:30 PM GMT
రెండున్నర సంవత్సరాలు రేయింబవళ్లు ఎంతో శ్రమించి 'బాహుబలి' చిత్రాన్ని తెరకెక్కించారు రాజమౌళి. భారీ బడ్జెట్‌, భారీ కాన్వాస్‌, భారీ ప్రణాళికతో ముందుకెళ్లారు. అయితే ఇలాంటి ఓ బృహత్తర ప్రయత్నం సామాన్యుల వల్ల సాధ్యం కాదు. జక్కన్న అకుంఠిత ధీక్ష వల్లే సాధ్యమైంది. అంతేనా రాజమౌళితో పాటు ఇతర టీమ్‌ కూడా అంతే తీవ్రంగా కఠోర ధీక్ష చేపట్టడం వల్లే ఇది సాధ్యమైంది. ఈ పయనంలో బాహుబలి విజయవంతంగా తెరకెక్కడానికి సిసలైన కారకులు నిర్మాత శోభు యార్లగడ్డ అని చెబుతున్నారు బాహుబలి. ఆయనే ఈ చిత్రానికి వెన్నెముక అని పొగిడేస్తున్నారు.
ఒకానొక సందర్భంలో ఒత్తిడిని తట్టుకోలేక అప్పటికే పనిచేస్తున్న కోడైరెక్టర్‌ ప్రాజెక్టు వదులుకుని వెళ్లిపోతే ఆ బాధ్యతల్ని భుజాన వేసుకుని ఎంతో శ్రమించారని చెప్పారు. శోభు లేకపోతే ఈ సినిమా లేనేలేదు. ఓ వైపు సెట్‌లో అన్ని విభాగాలతో కోఆర్డినేషన్‌ చేస్తూనే అటు విఎఫ్‌ఎక్స్‌ కంపెనీలతో మంతనాలు సాగించారు. ప్రతిదీ ఆయనే దగ్గరుండి చూసుకున్నారు. అంతేకాదు అసలు ఈ కథని నమ్మి సెట్స్‌కెళ్లడానికి కారకులు ఆయనే. అంతర్జాతీయ స్థాయి ప్రాజెక్టు అని అందరిలోనూ నమ్మకం పెంచారాయన. అంతేనా ముందస్తు ప్రణాళికతో విదేశాల్లోనూ ప్రచారం చేశారు. అసలు శోభు భగీరథ ప్రయత్నం వల్లే ఇది సాధ్యమైంది అంటూ రాజమౌళి ఆకాశానికెత్తేశారు.
ఒకానొక సందర్భంలో ఒత్తిడిని తట్టుకోలేక అప్పటికే పనిచేస్తున్న కోడైరెక్టర్‌ ప్రాజెక్టు వదులుకుని వెళ్లిపోతే ఆ బాధ్యతల్ని భుజాన వేసుకుని ఎంతో శ్రమించారని చెప్పారు. శోభు లేకపోతే ఈ సినిమా లేనేలేదు. ఓ వైపు సెట్‌లో అన్ని విభాగాలతో కోఆర్డినేషన్‌ చేస్తూనే అటు విఎఫ్‌ఎక్స్‌ కంపెనీలతో మంతనాలు సాగించారు. ప్రతిదీ ఆయనే దగ్గరుండి చూసుకున్నారు. అంతేకాదు అసలు ఈ కథని నమ్మి సెట్స్‌కెళ్లడానికి కారకులు ఆయనే. అంతర్జాతీయ స్థాయి ప్రాజెక్టు అని అందరిలోనూ నమ్మకం పెంచారాయన. అంతేనా ముందస్తు ప్రణాళికతో విదేశాల్లోనూ ప్రచారం చేశారు. అసలు శోభు భగీరథ ప్రయత్నం వల్లే ఇది సాధ్యమైంది అంటూ రాజమౌళి ఆకాశానికెత్తేశారు.
