Begin typing your search above and press return to search.

చిరు చేతిలో తన్నులు తినేది అతనే

By:  Tupaki Desk   |   24 July 2016 9:34 AM GMT
చిరు చేతిలో తన్నులు తినేది అతనే
X
'కత్తి' సినిమాలో హీరో విజయ కంటే విలన్ నీల్ నితిన్‌ ముఖేష్‌ చాలా పవర్‌ ఫుల్ గా కనిపిస్తాడు. చాలా అందగాడు. పెద్ద బిజినెస్ మ్యాన్. అందుకే ఇప్పుడు మెగాస్టార్‌ చిరంజీవి కూడా తెలుగు రీమేక్ కోసం అలాంటి అబ్బాయినే ఒకరిని వెతకాలి. అందుకోసమే ముందు జగపతిబాబును అడిగుంటారు.. కాకపోతే యంగ్‌ బిజినెస్ మ్యాన్ అయితేనే పాత్రకు కిక్‌ వస్తుంది కాబట్టి.. డ్రాప్ అయిపోయి ఉంటారు. ఇంతకీ చిరు చేతిలో తన్నులు తినే ఆ విలన్‌ ఎవరు అవ్వబోతున్నారు?

ఇప్పటికే బాలీవుడ్లో ఓ ఇద్దరి ముగ్గురిని సంప్రదించగా.. నేను చేస్తా అంకుల్‌ అంటూ వివేక్ ఒబెరాయ్‌ ముందుకొచ్చాడట. ఆ మధ్య కాలంలో రక్త చరిత్ర సినిమాలో మల్టిపుల్‌ షేడ్స్ ఉన్న పాత్రలో ఉర్రూతలూగించిన వివేక్‌ ఒబెరాయ్.. తెలుగులో పెద్ద సినిమాల్లో విలన్ పాత్రలు చేయడానికి సన్నద్దంగా ఉన్నట్లు ఎప్పుడో చెప్పాడు. కాకపోతే సరైనోడు సినిమాలో చేయమని అడిగినప్పుడు గ్రేట్ గ్రాండ్ మస్తీ షూటింగ్ కారణంగా చేయలేకపోయాడు. అందుకే ఇప్పుడు చిరు 150వ సినిమాలో ఆ ఛాన్సును మిస్‌ చేసుకోకూడదని అనుకుంటున్నాడట. చిరంజీవి ఢిల్లీ టూర్ ముగియగానే ఈ విషయంపై ఒక క్లారిటీ వచ్చే ఛాన్సుంది.

ఇకపోతే విలన్‌ సంగతి ఎలా ఉన్నా కూడా.. ఈ సినిమాలో హీరోయిన్ ఎవరు మాష్టారూ? ముందు ఆ విషయం చెప్పండి.