వెంకీ కుమార్తె ప్రేమ వివాహం

Sat Sep 22 2018 09:53:05 GMT+0530 (IST)

విక్టరీ వెంకటేష్ రియాలిటీలో `మామగారు` కాబోతున్నారా? అంటే అవుననే తాజా సమాచారం. వెంకీ కుమార్తె అశ్రిత తాను ప్రేమించిన యువకుడిని పెళ్లాడబోతోందని తెలుస్తోంది. ఆ మేరకు ఇరు కుటుంబాల పెద్దల మధ్యా మాటలు నడుస్తున్నాయిట. ఇంతకీ వెంకీ డాటర్ పెళ్లాడబోయేది ఎవరిని? అంటే హైదరాబాద్ రేస్ క్లబ్ ఛైర్మన్ ఆర్.సురేందర్ రెడ్డి మనవడిని అని తెలుస్తోంది.



ఆ ఇరువురి మధ్యా స్నేహం ప్రేమగా పల్లవించిందిట. పెళ్లి బంధంతో ఒకటవ్వాలని నిర్ణయించుకుని పెద్దలకు ఈ విషయాన్ని చెప్పేశారు. ఆ క్రమంలోనే ఇటీవలే వెంకీ సోదరుడు నిర్మాత డి.సురేష్ బాబు అబ్బాయి ఇంటికి వెళ్లి వివాహానికి సంబంధించి మాటా మంతీ సాగించారట. వెంకీ ప్రస్తుతం `ఎఫ్-2` చిత్రీకరణ కోసం `ప్రేగ్` వెళ్లారు. అక్కడ చిత్రీకరణ ముగించుకుని త్వరలో తిరిగి హైదరాబాద్ కి విచ్చేస్తున్నారు. వెంకీ రాగానే అశ్రిత నిశ్చితార్థ వేడుక ఉంటుందని తెలుస్తోంది.

అశ్రిత ప్రొఫెషనల్ బేకర్. బేకరి రంగంలో వృత్తి నిపుణురాలిగా శిక్షణ తీసుకున్నారు. `ఇన్ ఫినిటీ ప్లేటర్` పేరుతో హైదరాబాద్ నగరంలో పలు స్టాల్స్ ని నిర్వహిస్తున్నారు. రామానాయుడు స్టూడియోస్ లోనూ ఈ తరహా స్టాల్ ఒకటి నిర్వహణలో ఉంది. ఇక అశ్రిత ప్రేమించిన యువకుడు మాజీ ముఖ్యమంత్రి కిరణ్ కుమార్ రెడ్డి స్నేహితుడు రఘురామి రెడ్డి కుమారుడు - సురేందర్ రెడ్డి మనవడు అని తెలుస్తోంది. ఈ వివాహ వేడుక అంగరంగ వైభవంగా జరగనుందిట.

Source: DeccanChronicle

MOST POPULAR