హేట్ చేయ‌రిక‌.. ల‌వ్ చేస్తారు!

జిల్ జిల్ జిల్ జిల్ జిగేలు రాణీ! అంటూ యూత్ అదే ప‌నిగా పాడుకునే రేంజు అందం ఈవిడ‌ది. హేట్ స్టోరి 4 చిత్రంతో బాలీవుడ్ కి ప‌రిచ‌య‌మైన ఈ ముద్దుగుమ్మ పేరు ఊర్వ‌శి రౌతేలా. బుల్లితెర నుంచి వెండితెర‌కు ప్ర‌మోటైన ఈ అంద‌గ‌త్తె ఆర‌బోత‌కు ఏమాత్రం అడ్డుచెప్ప‌క‌, బిడియం అన్న‌దే లేకుండా రెచ్చిపోయింది. తెర‌నిండుగా అందాల వ‌డ్డ‌న‌లు చేయ‌డంతో ఆ సినిమా సేఫ్ జోన్‌ లోకి తెచ్చిన క్రెడిట్‌ ని త‌న ఖాతాలో వేసుకుంది.

మిస్ ఇండియా 2015 పోటీల్లో విజేత‌గా నిలిచి అటుపై బుల్లితెర ఆరంగేట్రంలోనూ అద‌ర‌గొట్టేసిన ఈ సుంద‌రి వెండితెర‌కు పెర్ఫెక్ట్ యాప్ట్ అన్న మాటా వినిపించింది. అందుకే ఆరంభం అడ‌పా ద‌డ‌పా సినిమాల్లో క్యారెక్ట‌ర్లు చేసిన ఈ భామ క‌థానాయిక అయ్యాక మాత్రం ఓ రేంజులో రెచ్చిపోయింది. హేట్‌ స్టోరి 4 చిత్రంతో త‌డాఖా చూపించింది. ప్ర‌స్తుతం ఇంకా టైటిల్ నిర్ణ‌యించ‌ని ఓ క్రేజీ చిత్రంలో న‌టిస్తోంది.

ఆ క్ర‌మంలోనే త‌న‌ని జ‌నం మ‌ర్చిపోకుండా ఇన్‌ స్టాగ్ర‌మ్‌ లో ప్ర‌తాపం చూపిస్తోంది. తాజా ఫోటోషూట్‌ లో వేడెక్కించే ఓ ఫోటోని అభిమానుల‌కు లీక్ చేసింది. పైగా ఈ ఫోటోకి ఓ అదిరిపోయే క్యాప్ష‌న్ ఇచ్చింది. ``డోంట్ డు ఫ‌న్/ ఫీర్స్... డు బాత్‌`` అంటూ అగ్గి రాజేసింది. మొత్తానికి స్విమ్ సూట్‌ తో అభిమానుల గుండెల్లో మంట‌లు పుట్టించింది. క‌నురెప్ప అయినా వాల‌నివ్వ‌ని రేంజులో య‌వ్వ‌న‌శిరుల్ని అలా ఆరాంగా ఆరబోసిందంతే!!