కామెంట్: సెప్టెంబర్ ఇంత వేడెక్కేసిందేంటి

పండగల సీజన్ లో అయినా సెలవల సీజన్ లో అయినా వరుసగానో.. ఒకేసారో ఎక్కువగా సినిమాలు రిలీజ్ చేయడం జరుగుతుంది. సాధారణంగా సంక్రాంతి.. సమ్మర్.. దసరా.. దీపావళి పండగల టైమ్ లో ఎక్కువ సినిమా రిలీజ్ లు చూస్తూ ఉంటాం. కానీ ఈ సారి మాత్రం సెప్టెంబర్ బాగా వేడెక్కేసింది.

ప్రతీ నెలలో ఒకటో రెండో చెప్పుకోదగ్గ సినిమాలు.. ఓ అరడజన్ చిన్న సినిమాలు రావడం కామన్. సెప్టెంబర్ లో వస్తున్నట్లు ఇప్పటికే చెప్పిన సినిమాల లిస్ట్ చూస్తే.. కెవ్ అనాల్సిందే. సెప్టెంబర్ 2న వస్తున్న ఎన్టీఆర్-కొరటాల సినిమాతో మొదలుపెడితే.. అన్నీ భారీ చిత్రాలే. మిల్కీ బ్యూటీ తమన్నా అభినేత్రి.. నేచురల్ స్టార్ నాని నటిస్తున్న మజ్ను.. నాగ చైతన్య మూవీ ప్రేమమ్.. గోపీచంద్ సినిమా ఆక్సిజన్.. పూరీ-కళ్యాణ్ రామ్ ల ఇజం.. ఎనర్జిటిక్ హీరో రామ్ చూపించే హైపర్.. ఇవీ ఇప్పటివరకూ సెప్టెంబర్ కి షెడ్యూల్ చేసిన సినిమాలు.

ఆ నెలలో 5 శుక్రవారాలున్నా.. 7 క్రేజీ ప్రాజెక్టులు క్యూ కట్టేశాయి. దసరా మధ్యలో రామ్ చరణ్ ధృవ వస్తోంది కాబట్టి.. ఈ లోగానే ఈ సినిమాలన్నీ వసూళ్లు రాబట్టేయాలి. లేకపోతే థియేటర్స్ సమస్య వస్తుంది. అందుకే ఇంతగా సెప్టెంబర్ ని వేడెక్కించేశారు. వర్షాకాలంలో ఇంత వేడిని ఎన్ని సినిమాలు తట్టుకుంటాయో!