Begin typing your search above and press return to search.

'మ‌జిలీ' లో ఊహించ‌ని మ‌లుపు!

By:  Tupaki Desk   |   22 March 2019 4:24 AM GMT
మ‌జిలీ లో ఊహించ‌ని మ‌లుపు!
X
నాగ‌చైత‌న్య‌ - స‌మంత పెళ్లి త‌రువాత జంట‌గా న‌టిస్తున్న తొలి చిత్రం `మ‌జిలి`. ప్రేమ‌ - పెళ్లి - పెయిన్ పేప‌థ్యంలో ఓ భ‌గ్న‌ ప్రేమికుడి ల‌వ్‌ స్టోరీగా రూపొందుతున్న ఈ చిత్రాన్ని శివ నిర్వాణ రూపొందిస్తున్నారు. నూత‌న నిర్మాణ సంస్థ నిర్మిస్తున్న ఈ సినిమాపై స‌ర్వ‌త్రా అంచ‌నాలు నెల‌కొన్నాయి. తొలి పోస్ట‌ర్ నుంచి మంచి పాజిటీవ్ టాక్‌ ని సొంతం చేసుకున్న ఈ సినిమా బిజినెస్ ప‌రంగానూ రికార్డు సృష్టించింది. ఎమోష‌న‌ల్ డ్రామాగా రూపొందిన ఈ సినిమాకు మెయిన్ ఎస్సెట్ నాగాచైత‌న్య‌ - స‌మంత‌ల మ‌ధ్య వ‌చ్చే స‌న్నివేశాలు - హార్ట్ ట‌చింగ్ డైలాగ్‌ లు.

ఇటీవ‌ల విడుద‌లైన ట్రైల‌ర్ ఈ సినిమాపై ప్రేక్ష‌కుల్లో మ‌రిన్ని అంచ‌నాల‌ని పెంచేసింది. దీంతో బాక్సాఫీస్ వ‌ద్ద ఈ చిత్రానికి భారీ స్థాయిలో ఓపెనింగ్స్ ల‌భించే అవ‌కాశం వుంద‌ని చెబుతున్నారు. `మ‌జిలీ` సినిమాపై బిజినెస్ ప‌రంగా - ఆడియ‌న్స్ వైజ్‌ గా భారీ క్రేజ్ నెల‌కొన్ని వున్న ఈ త‌ర‌ణంలో ఈ చిత్ర విడుద‌ల ప్ర‌శ్నార్థ‌కంలో ప‌డిపోయింద‌ని వార్త‌లు క‌ల‌క‌లం సృష్టిస్తున్నాయి. ఈ చిత్రానికి సంగీతం గోపీసుంద‌ర్ అందించారు. అయితే రీ రికార్డింగ్ పూర్తి చేయ‌కుండానే వ్య‌క్తిగ‌త కార‌ణాల వ‌ల్ల ఆయ‌న ఈ ప్రాజెక్ట్ నుంచి త‌ప్పుకున్న‌ట్టు తెలుస్తోంది. దీంతో ఈ సినిమా ఏప్రిల్ 5న విడుద‌ల కావ‌డం క‌ఫ్టంగా మారింది.

అయితే గోపీ సుంద‌ర్ ఇచ్చిన షాక్ నుంచి వెంట‌నే తేరుకున్న చిత్ర బృందం యువ సంగీత సంచ‌ల‌నం త‌మ‌న్‌ ను సంప్ర‌దించారని - త‌ను రీరికార్డింగ్ చేయ‌డానికి ఓకే చెప్పిన‌ట్టు తెలిసింది. `తొలిప్రేమ‌` సినిమా నుంచి త‌మ‌న్ త‌న‌లోని మ‌రో కోణాన్ని ఆవిష్క‌రిస్తే వ‌రుస మెలోడీల‌ని అందిస్తున్నాడు. త‌న‌ని ఎంచుకుని `మ‌జిలీ` బృందం మంచి ప‌ని చేసింద‌ని - త‌మ‌న్ అందిస్తున్న నేప‌థ్య సంగీతం ఈ సినిమాకు అద‌న‌పు ఆక‌ర్ష‌ణ‌గా నిల‌వ‌డం ఖాయ‌మ‌ని చిత్ర వ‌ర్గాలు చెబుతున్నాయి.