సూరి కిక్ లో చెర్రీ మునిగాడా?

Mon Feb 19 2018 20:46:06 GMT+0530 (IST)

కిక్ మూవీతో దర్శకుడు సురేందర్ రెడ్డి అందరినీ బాగానే మెప్పించాడు. మూడేళ్ల క్రితం కిక్ 2 లాంట్ ఫ్లాప్ వచ్చినా.. సురేందర్ రెడ్డి డైరెక్షన్ పై నమ్మకం ఉంచి రామ్ చరణ్ చేసిన ధృవ మూవీ.. అటు హీరోకి.. ఇటు దర్శకుడికి ఇద్దరికీ బాగానే కిక్ ఇచ్చింది.

ఆ తర్వాత ఏకంగా మెగాస్టార్ చిరంజీవి 151వ సినిమా సైరా ను దర్శకత్వం వహించే ఛాన్స్ అందుకున్నాడు సూరి. చిరంజీవి మూవీతోనే ఈ ఏడాదంతా గడిపేస్తాడు సురేందర్ రెడ్డి. ఆ తర్వాత మళ్లీ రామ్ చరణ్ తోనే సినిమా చేసేందుకు రెడీ అవుతున్నాడట ఈ దర్శకుడు. అంతగా మెగా ఫ్యామిలీని మెప్పించేస్తున్నాడు ఈ డైరెక్టర్. ప్రస్తుతం స్టోరీ లాక్ చేసుకునే దశలో ఉన్నారని కూడా టాక్ వినిపిస్తోందంటే.. సురేందర్ రెడ్డి స్పీడ్ అర్ధమవుతుంది. యూరోప్ బ్యాక్ డ్రాప్ లో జరిగే ఓ క్యూట్ లవ్ స్టోరీ ఇది అని తెలుస్తోంది.

అయితే.. ఈ సినిమా ఇప్పుడప్పుడే మొదలయ్యే ఛాన్స్ లేదు. అటు చిరంజీవి సినిమా పూర్తి కావాలి.. ఇటు చెర్రీ కూడా ఫుల్లు బిజీనే. బోయపాటితో అనౌన్స్ చేసిన మూవీ.. రాజమౌళితో చేయాల్సిన సినిమా.. ఈ రెండూ పూర్తయ్యాకే సురేందర్ రెడ్డి సినిమా స్టార్ట్ చేస్తాడు. అంటే.. వచ్చే ఏడాది ద్వితీయార్ధానికి కానీ.. ఈ చిత్రం పట్టాలెక్కే ఛాన్సే లేదన్న మాట.