Begin typing your search above and press return to search.

దాన్ని ప్రేమిస్తే దీన్ని పెళ్లి చేసుకుంటారు

By:  Tupaki Desk   |   13 Aug 2017 5:30 PM GMT
దాన్ని ప్రేమిస్తే దీన్ని పెళ్లి చేసుకుంటారు
X
ఇక్కడ దాన్ని దీన్ని అంటూ ఎవరో ఒక అమ్మాయి గురించి చులకను మాట్లాడటం లేదయ్యా. యాజిటీజుగా మన సిక్స్ ప్యాక్ స్టార్ సుధీర్ బాబు ఏం చెప్పాడో అదే చెబుతున్నాం అంతే. ఇప్పుడు తన కొత్త సినిమా షూటింగులో బిజీగా ఉన్న ఈ 'భలే మంచి రోజు' హీరో.. ఒక కొత్త సినిమా గురించి కొత్త మాట చెప్పాడు. పదండి అదేంటో చూద్దాం.

ఈరోజు తాప్సీ హీరోయిన్ గా శ్రీనివాస్ రెడ్డి మెయిన్ లీడ్లో చేస్తున్న ''ఆనందో బ్రహ్మ'' సినిమా స్పెషల్ షో ఒకటి వేశారట. ఈ కార్యక్రమానికి విచ్చేసిన హీరో సుధీర్ బాబు.. సినిమా చూసి షాకైపోయాడట. వెంటనే ఒక మాటనేశాడు. ''మీకు ప్రేమ కథా చిత్రం బాగా నచ్చే ఉంటుంది. మీరు ఆ సినిమాను ప్రేమిస్తే ఈ ఆనందో బ్రహ్మ సినిమాను పెళ్ళిచేసుకుంటారు. అంత బాగుంది. అసలు ఈ హారర్ కామెడీతో ఆపకుండా నవ్వుతారు. కడుపు నొప్పిరాకుండా టాబ్లెట్ తీసుకెళ్ళండే'' అంటూ కామెంట్ చేశాడు సుధీర్.

మహి వి రాఘవ్ డైరక్షన్లో రూపొందిన ఆనందో బ్రహ్మ సినిమా ఆగస్టు 18న రిలీజవుతోంది. ఇప్పుడు సుధీర్ బాబు వంటి నటులు ఈ సినిమాకు ఇస్తున్న కితాబులు చూస్తుంటే.. సినిమాకు గాట్టి ఓపెనింగ్స్ పట్టేశాలానే ఉన్నారు. కాకపోతే తాప్సీ గ్లామర్ చూడా్డనికి వెళితే మాత్రం డిజప్పాయింట్ అవ్వక తప్పదు. ఇక్కడ ఓన్లీ హారర్ కామెడీ అంతే.