ఈ నడుమందాల సుంద‌రికి అప్పుడే 36 ఏళ్లా?

తింటే గారెలే.. తినాలి.. వింటే భారతమే వినాలి అని సామెతండి.దీన్నే ఇప్పుడు కొంచెం మారుద్దామండీ. చూస్తే శ్రియ నడుమునే చూడాలి.. ఆస్వాదిస్తే ఆమె అందాలనే ఆస్వాదించాలి. ఇప్పుడిదంతా ఎందుకంటారా? విషయం ఉందండీ.. తన నడుమందాల నాజూకు షోకులతో కుర్రకారును ఈ నాటికీ కిర్రెక్కిస్తోన్న అందాల తార శ్రియా శరణ్ నేడు 36వ వసంతంలోకి అడుగిడుతోందండీ.

ఉత్తరాఖండ్ లోని డెహ్రాడూన్ లో పర్వత సోయగాల మధ్య పెరిగిన ఈ జఘన సొగసు సుందరి తర్వాత ఢిల్లీలోని ప్రఖ్యాత లేడీ శ్రీరామ్ కాలేజీలో గ్రాడ్యుయేషన్ చేసింది. డిగ్రీ చదివేటప్పుడే లెక్చరర్ కోరిక మేరకు మొదటిసారిగా ఒక డ్యాన్స్ వీడియోలో కనిపించింది ఈ ముద్దుగుమ్మ. 19 ఏళ్ల వయసులో 2001లో తొలిసారిగా తెలుగు చిత్రం 'ఇష్టం'లో నటించి అందరినీ తనను ఇష్టపడేలా చేసింది. తర్వాత సంతోషం సినిమాలో టాలీవుడ్ మన్మథుడు నాగార్జునతో రొమాన్స్ చేసింది. ఆ సినిమా సూపర్ హిట్ కావడంతో మళ్లీ వెనక్కి తిరిగి చూసుకోలేదు. టాలీవుడ్ టాప్ హీరోస్ అదేనండి మెగాస్టార్ చిరంజీవి మొదలుకొని ఆయన తమ్ముడు పవర్ స్టార్ పవన్ కల్యాణ్ వరకు - బాలయ్య నుంచి విక్టరీ వెంకటేశ్ వరకు - తరుణ్ నుంచి ప్రభాస్ వరకు దాదాపు అందరి హీరోలతో తెర పంచుకుంది.

ఇలా 17 ఏళ్ల నుంచి తన నాజూకు నడుమందాలతో రస ప్రియులకు నిద్ర లేకుండా చేసింది.. చేస్తోంది. తెలుగుకే పరిమితం కాకుండా తమిళంలోనూ ఈ అమ్మడు సౌత్ ఇండియన్ సూపర్ స్టార్ రజినీకాంత్ - విజయ్ - విక్రమ్ వంటి టాప్ హీరోలతో స్ర్కీన్ షేర్ చేసుకుందండి. తెలుగు - తమిళమే కాకుండా దక్షిణాదిలో దాదాపు అన్ని భాషల్లోనూ అలరించిందీ జఘన సుందరి. బాలకృష్ణ 100వ చిత్రం 'గౌతమీపుత్ర శాతకర్ణి'లో వాశిష్ఠిగా తన నటనతో గిలిగింతలు పెట్టింది.. ఈ నేరేడు కళ్ల పాప. బాలా 101వ చిత్రం 'పైసా వసూల్'లోనూ నాయికగా అలరించింది శ్రియ. ఆమె మరిన్ని పుట్టిన రోజులు జరుపుకుంటూ మనలాంటి రస హృదయులను తన కైపెక్కించే నడుమందాలతో అలరించాలని ఆశిద్దాం.