అయ్యో శ్రద్ధా.. ఇది కూడా వేస్టయిందే

కొందరికి అన్నీ ఉన్న అదృష్టం మాత్రం ఉండదు. కెరీర్ గాడిన పడ్డానికి ఒడ్డున పడ్డానికి అదే పెద్ద సమస్య అవుతూ ఉంటుంది. ముంబైలో పుట్టిన బెంగాలీ బామ శ్రద్ధా దాస్ పరిస్థితి ఇలానే ఉంటుంది. అమ్మడికి ఏ విషయంలోనూ లోటుండదు. అటు యాక్టింగ్ నుంచి ఇటు ఎక్స్ పోజింగ్ వరకూ ఓ విషయంలోనూ లోటు చేయదు. అయినా సరే.. టైమ్ మాత్రం కలిసి రాదు. వీటికి తోడు టైమింగ్ ప్రాబ్లెంతో.. ముందుగా వేసుకున్న ప్లాన్స్ కూడా దెబ్బ వేస్తుంటాయి.

గ్రేట్ గ్రాండ్ మస్తీపై ఈ భామ చాలానే శ్రద్ధ పెట్టినా.. ఆ మూవీ గ్రేట్ డిజాస్టర్ గా మారిపోయింది. ముందే లీకవ్వడం ఒక సమస్య అయినా.. కంటెంట్ కూడా గొప్పగా ఏమీ లేకపోవడం మరో కారణం. ఆ మూవీ ప్రచారం సమయంలోనే విడుదల చేసేలా ఓ ఫోటో షూట్ ని కూడా చేసింది శ్రద్ధా దాస్. పాత తరం హీరోయిన్లను తలపించే గెటప్ తో.. ఓల్డ్ మోడల్ ఫోన్ మాట్లాడుతున్న మోడ్రన్ వయ్యారిగా కనిపిస్తుంది ఈ సొగసరి. బాగా ఫోటో ఫ్రెండ్లీ కేరక్టర్ కావడంతో.. కెమేరాలకు తగినంత పని ఇచ్చేస్తూ ఉంటుంది.

ఫోటో షూట్ లో శ్రద్ధా దాస్ గెటప్ గ్లామర్ బాగున్నా.. మొత్తానికి మాత్రం ఈ షూట్ వేస్టయ్యింది. గ్రేట్ గ్రాండ్‌ మస్తీ ఫ్లాపైంది. అవకాశాలు కూడా మొహం చాటేస్తున్న పరిస్థితుల్లో శ్రద్ధా కెరియర్‌ పూర్తిగా చిక్కుల్లో పడిపోయింది. మరి ఈ పరిస్థితి నుంచి బయటపడేందుకు శ్రద్ధ దేనిపై శ్రద్ధ పెడుతుందో!