మెగా నందమూరి ఫ్రెండ్ షిప్ అదిరింది

నందమూరి, మెగా అభిమానుల మధ్య చాలా రోజులుగా పోటీ ఉంది. అనేక సార్లు ఇది వైరంగా మారిన సందర్భాలు కూడా ఉన్నాయి. అయితే, ఫ్యాన్స్ రచ్చకెక్కిన సందర్భాలు ఉన్నా.. నిజానికి నందమూరి, మెగా హీరోల మధ్య ఫ్రెండ్ షిప్ బాగానే ఉంది. తరచుగా ఈ స్నేహాన్ని కెమేరా ముందే ప్రదర్శించిన అనుభవం కూడా ఈ రెండు వంశాల మధ్య ఉంది.

గతంలో మెగా60 బాష్ లో.. చిరును వాటేసుకుని మరీ అభినందించారు బాలయ్య. అప్పడు ఇదో సెన్సేషనల్ న్యూస్ అయింది. రీసెంట్ గా తన వందో చిత్రానికి చిరంజీవిని బాలయ్య ఆహ్వానించగా.. ఆ సినిమా గురించి, బాలయ్య గురించి తెగ పొగిడేశారు మెగాస్టార్. దీంతో మెగా, నందమూరి హీరోల మధ్య స్నేహం మరింతగా వికసించింది. ఈ ట్రెండ్ ని మరింతగా కంటిన్యూ చేస్తున్నాడు మెగా మేనల్లుడు సాయి ధరం తేజ్.

ఏప్రిల్ 29న నారా రోహిత్ - తారకరత్నలు నటించిన రాజా చెయ్యి వేస్తే సందర్భంగా.. అభినందనలు చెబుతూ విషెస్ చెప్పాడు తేజు. 'ఈ నెల 29న విడుదల కానున్న రాజా చెయ్యి వేస్తే సక్సెస్ కావాలని కోరుకుంటూ.. తారక్ అన్నయ్య - నారా రోహిత్ లకు ఆల్ ది బెస్ట్' అంటూ వీడియోలో చెప్పాడు సాయిధరం తేజ్. ఆ వంశాలకు చెందిన కుర్రాళ్ల మధ్య కూడా మంచి స్నేహం ఉందని చెప్పడానికి.. ఈ ఒక్క వీడియో చాలు కదా.