Begin typing your search above and press return to search.

మెగా ఐటంలో చిందేస్తున్న రకుల్

By:  Tupaki Desk   |   23 Jun 2018 6:05 AM GMT
మెగా ఐటంలో చిందేస్తున్న రకుల్
X

రామ్ చరణ్ తేజ్ సినిమాలు చేయడమే బాగా స్లో. ఇండస్ట్రీలోకి వచ్చి పదేళ్లు గడిచిపోయినా.. ఇప్పటికి చేసినవి 11 సినిమాలు మాత్రమే. ప్రస్తుతం బోయపాటితో రూపొందుతున్న మూవీ మెగాపవర్ స్టార్ కెరీర్ లో 12వ చిత్రం.

వీటిలో నాలుగు సినిమాల్లో కాజల్ అగర్వాల్ హీరోయిన్ గా నటించిన సంగతి తెలిసిందే. ఇప్పుడు ఆ రికార్డుకు కాసింత చేరువ అవుతోంది పంజాబీ కుడి రకుల్ ప్రీత్ సింగ్. ఇప్పటికే బ్రూస్ లీ.. ధృవ చిత్రాలలో రామ్ చరణ్ తో కలిసి నటించిన రకుల్.. ఇప్పుడు ముచ్చటగా మూడోసారి కూడా ఈ హీరోతో చిందేస్తోందట. బోయపాటి శ్రీను దర్శకత్వంలో చెర్రీ హీరోగా రూపొందుతున్న చిత్రం కోసం.. ప్రస్తుతం ఓ ఐటెం సాంగ్ ప్లాన్ చేశారని తెలుస్తోంది. ఈ పాటలో క్రేజీ హీరోయిన్ ను ఐటెం భామగా చూపించాలని మేకర్స్ భావిస్తుండగా.. మొదటగా రకుల్ ప్రీత్ నే అప్రోచ్ అయ్యారని అంటున్నారు.

ఇప్పటికే చరణ్ తో రెండు సినిమాల్లో నటించిన రకుల్ కు ఈ విషయంలో అభ్యంతరాలు ఉండే అవకాశాలు తక్కువే. ప్రస్తుతం ఈ భామకు తెలుగులో అవకాశాలు బొత్తిగా కరువయిపోయాయి కూడా. కోలీవుడ్ లో ఛాన్సులు బాగానే ఒడిసిపట్టుకుంటోంది కానీ.. తెలుగుకు వచ్చేసరికి వెంకటేష్-నాగచైతన్య మల్టీస్టారర్ లో లో మాత్రమే యాక్ట్ చేస్తున్న రకుల్ కు.. చెర్రీ మూవీతో జోష్ వచ్చే ఛాన్స్ ఉంది.