లేడీ డైరెక్టర్ తో కుర్రాడి మూవీ రీస్టార్ట్

యంగ్ హీరో రాజ్ తరుణ్ ఫుల్ స్పీడ్ లో సినిమాలు చేసేస్తుంటాడు. ఏడాది 2.. 3.. సినిమాల చొప్పున కూడా విడుదల చేసేంతటి స్పీడ్ అన్నమాట. మార్చ్ లో కిట్టుగాడు ఉన్నాడు జాగ్రత్త మూవీని రాజ్ తరుణ్ రిలీజ్ చేయగా.. ఈ మూవీ చెప్పుకోదగ్గ వసూళ్లనే సాధించింది. ప్రస్తుతం అంధగాడు అంటూ మరో మూవీని ఫినిష్ చేసే పనిలో ఉన్నాడు ఈ కుర్రాడు.

ఈ అంధగాడు సమ్మర్ లోనే విడుదలయ్యే అవకాశాలుండగా.. మే నెలలో సరైన డేట్ కోసం చూస్తున్నారు. ఈ రెండు సినిమాలు ఏకే ఎంటర్టెయిన్మెంట్ బ్యానర్ పై నిర్మించినవే కావడం విశేషం. ఈ రెండు సినిమాల కంటే ముందే సంజనా రెడ్డి అనే కొత్త లేడీ డైరెక్టర్ తో ఓ మూవీ స్టార్ట్ చేశాడు ఈ యంగ్ హీరో. కొన్ని వారాల షూటింగ్ తర్వాత అప్పట్లో ఈ మూవీని ఆపేసి.. ఇతర ప్రాజెక్టులపై దృష్టి పెట్టాడు. ఇప్పుడు మళ్లీ సంజనా రెడ్డి దర్శకత్వంలో రూపొందే సినిమాకు డేట్స్ కేటాయించాడట రాజ్ తరుణ్. మే మొదటి వారం నుంచి ఈ మూవీ షూటింగ్ నిరవధికంగా సాగనుందని తెలుస్తోంది. ఈ చిత్రాన్ని కూడా ఏకే ఎంటర్టెయిన్మెంట్స్ బ్యానర్ పైనే నిర్మిస్తున్నారు.

ఇప్పటికే కొన్ని ప్రధానమైన సీన్స్ చిత్రీకరణ పూర్తవడంతో.. రెండు-మూడు నెలల్లో ఈ మూవీ షూటింగ్ పూర్తయ్యే అవకాశాలున్నాయట. అన్నపూర్ణ స్టూడియోస్ బ్యానర్ పై కూడా రాజ్ తరుణ్ ఓ సినిమా చేస్తుండగా.. ఇంకా దీనికి కొన్ని రోజుల షూటింగ్ పార్ట్ మాత్రమే చేయాల్సి ఉంది. అంటే ఈ ఏడాది కనీసం 4 సినిమాలు విడుదల చేయనున్నాడు రాజ్ తరుణ్.

Like Us on Facebook : https://www.facebook.com/Tupakidotcom/