ప్రభాస్-రాజమౌళితో రానా లండన్ ఛలో

Thu Oct 10 2019 10:43:13 GMT+0530 (IST)

దర్శకధీరుడు ఎస్.ఎస్.రాజమౌళి తెరకెక్కించిన బాహుబలి ఇప్పటికే ఎన్నో అవార్డులు రివార్డులు సాధించింది. ప్రపంచ విదేశాల్లో పలు సినిమా ఉత్సవాల్లో అరుదైన గౌరవం దక్కించుకుంది. తాజాగా మరో అరుదైన గౌరవం ఈ సినిమాకి దక్కనుంది. లండన్ రాయల్ ఆల్బర్ట్స్ హాల్ లో ఈ చిత్రాన్ని ప్రదర్శించేందుకు ఏర్పాట్లు సాగుతున్న సంగతి తెలిసిందే.



రాయల్ ఆల్బర్ట్స్ హాల్ లో బాహుబలి సినిమాను బ్రిటన్ కు చెందిన ప్రముఖ దిగ్గజాలు వీక్షించనున్నారు. అంతేకాదు అక్కడ షో ప్రదర్శనకు ముందు దర్శకుడు రాజమౌళితో లైవ్ చిట్ చాట్ జరగనుంది. ఈ స్పెషల్ ఈవెంట్ కు రాజమౌళితో పాటుగా ప్రభాస్- రానా- అనుష్క- తమన్నాహాజరవుతున్నారు. ఆస్కార్ చిత్రాలు.. పలు అంతర్జాతీయ సినీపండగల్లో అవార్డులు అందుకున్న క్రేజీ హాలీవుడ్ సినిమాల్ని మాత్రమే ప్రదర్శించే చోట ఒక తెలుగు సినిమాకి ఈ అవకాశం రావడం అన్నది చాలా అరుదు. ఆ ఛాన్స్ బాహుబలి దక్కించుకుంది.

ఈ సందర్భంగా డార్లింగ్ ప్రభాస్ వీడియో సందేశం పంపారు. ``బాహుబలి- ది బిగినింగ్` లైవ్ ఆర్కెస్ట్రాను లండన్ రాయల్ ఆల్బర్ట్స్ థియేటర్ లో పెర్ఫామ్ చేస్తున్నారు. నేను-రాజమౌళి- రానా అంతా లండన్ రాయల్ ఆల్బర్ట్స్ హాల్ కి వెళుతున్నాం. 19 అక్టోబర్ ఈవెంట్ కి మీరు కూడా జాయిన్ అవ్వండి అని చెప్పేందుకు ఎంతో ఎగ్జయిటింగ్ గా ఉన్నాను`` అంటూ ప్రభాస్ సందేశం పంపారు. హలో ఎవ్వెరి వన్ అంటూ సాహో స్టైల్ లో కనిపించాడు ఈ వీడియోలో. డార్లింగ్ ఇన్విటేషన్ అందుకుని మరి లండన్ అభిమానులు అక్కడికి అటెండ్ అవుతారేమో చూడాలి.

వీడియో కోసం క్లిక్ చేయండి