నోటా డేట్ ఫిక్స్ అయిందోచ్!

టాలీవుడ్ లేటెస్ట్ సెన్సేషన్ విజయ్ దేవరకొండ తాజా చిత్రం 'నోటా' కోసం ఆడియన్స్ ఇప్పుడు చాలా ఆసక్తిగా ఎదురుచూస్తున్నారు. అసలే 'గీత గోవిందం' బ్లాక్ బస్టర్ విజయంతో విజయ్ మార్కెట్ రెడ్ హాట్ గా ఉండడంతో ట్రేడ్ వర్గాలు కూడా ఈ సినిమా పై అమితాసక్తిని ప్రదర్శిస్తున్నాయి. ఇక ఈ సినిమా రిలీజ్ డేట్ ఫైనల్ గా ఫిక్స్ అయింది.

అక్టోబర్ 5 న నోటా ప్రపంచవ్యాప్తంగా విడుదల కానుందని ఫిలిం మేకర్స్ తెలిపారు. ఈ విషయాన్ని తెలుపుతూ ఒక పవర్ఫుల్ రిలీజ్ డేట్ పోస్టర్ కూడా విడుదల చేయడం విశేషం. ఈ సినిమా విజయ్ కెరీర్ లో మొదటి ద్విభాషా చిత్రం. మొదటి సరి విజయ్ తమిళంలో తన అదృష్టాన్ని పరీక్షించుకోబోతున్నాడు. విజయ్ తమిళంలో తన పాత్రకు స్వయంగా డబ్బింగ్ చెప్పుకోవడంతో తమిళ యూత్ లో కూడా ఈ సినిమాపై ఆసక్తి నెలకొంది.

మెహ్రీన్ కౌర్ హీరోయిన్ గా నటిస్తున్న ఈ సినిమాలో సత్యరాజ్ - నాజర్ ఇతర కీలక పాత్రలలో నటించారు. విజయ్ ముఖ్యమంత్రి పాత్రలో నటించిన ఈ పొలిటికల్ థ్రిల్లర్ కు ఆనంద్ శంకర్ దర్శకుడు. సామ్ సిఎస్ ఈ సినిమాకు సంగీతం అందించాడు. స్టూడియో గ్రీన్ బ్యానర్ పై కేఈ జ్ఞానవేల్ రాజా ఈ సినిమాను నిర్మించాడు.