నాని కుండ బద్దలు కొట్టేసాడు

సంక్రాంతి విన్నర్ ఎవరు అనే దాని గురించి ఇప్పటికీ కంక్లూజన్ రానే లేదు. అజ్ఞాతవాసి మొదటి రోజే అవుట్ రైట్ గా డిజాస్టర్ అని డిక్లేర్ కాగా గ్యాంగ్ - జైసింహ మధ్య కొంత పోటీ నడిచింది. గ్యాంగ్ డబ్బింగ్ మూవీ కావడం, తమిళ ఫ్లేవర్ ఎక్కువగా ఉండటంతో పాటు కాన్సెప్ట్ సామాన్య ప్రేక్షకులకు అంత కనెక్ట్ అయ్యేది కాకపోవడం లాంటి కారణాలు సినిమా ఫైనల్ రిజల్ట్ పై బాగానే ప్రభావం చూపాయి. ఉన్నంతలో జైసింహ నయం అనే మాట తప్ప నిజంగా బాలకృష్ణ స్థాయి హిట్ అయితే ఇది కాదు. రెండేళ్ళ క్రితం యావరేజ్ అన్న డిక్టేటర్ కూడా అటుఇటుగా ఇంతే వసూళ్లు తెచ్చింది.రంగుల రాట్నం గురించి ఆ యూనిట్ కూడా మాట్లాడడం లేదు. ఇక ఇందులో చర్చ కొనసాగించదానికి ఏమి లేదు అనుకుంటున్న తరుణంలో ఇండస్ట్రీలో ఎవరు కూడా సంక్రాంతి సినిమాల గురించి బయట మాట్లడే ధైర్యం చేయలేకపోయారు. గాయాన్ని రేపడం ఎందుకులే అని గమ్మునున్నారు.

కాని న్యాచురల్ స్టార్ నాని మాత్రం అలా మొహమాటం ఏమి పెట్టుకోకుండా నిన్న భాగమతి ప్రీ రిలీజ్ ఫంక్షన్ లో ఓపెన్ గా ఈ సంవత్సరం ఇంతవరకు సాలిడ్ హిట్ లేదు అని స్టేజి మీద చెప్పేయటం కొద్దిగా షాక్ కలిగించింది. అంటే మూడు స్ట్రెయిట్ తెలుగు సినిమాలు, ఒక డబ్బింగ్ సినిమా వచ్చినా ఒక్కటి కూడా గట్టిగా హిట్ అని చెప్పే ఛాన్స్ లేదు అని నాని డైరెక్ట్ గానే చెప్పేసాడు. అది భాగమతి బ్రేక్ చేసి స్వీటీ ద్వారా పరిశ్రమకు మొదటి బ్లాక్ బస్టర్ హిట్ వస్తుందని ఆశాభావం వ్యక్తం చేసాడు నాని. తను చెప్పింది నిజమే కాని బయటికి ఇలా ఓపెన్ గా చెప్పడం ద్వారా పేరు లోనే కాదు ప్రవర్తన కూడా న్యాచురల్ గానే ఉంటుందని ఋజువు చేసాడు నాని.

నాని సినిమా రావడానికి మాత్రం ఇంకా మూడు నెలల టైం ఉంది. కృష్ణార్జున యుద్ధం ఏప్రిల్ 12న విడుదల చేయటం దాదాపు ఖాయం అయినట్టే. 20 ఒకవేళ ముందు చెప్పిన తేదీకే కట్టుబడి ఉంటె మాత్రం ఇందులో ఏదైనా మార్పు జరగవచ్చు, నాని స్వీటీని సూపర్ స్టార్ అని పొగుడుతున్నంత సేపు తన నుంచి ముసిముసినవ్వులు మాత్రమే సమాధానంగా వచ్చాయి.