ప్రగ్యాతో పరుగులు పెట్టించాడుగా!!

సుందరాంగులు అప్పుడప్పుడూ లేడీ ఓరియెండెడ్ మూవీస్ చేస్తుంటారు. ఇప్పుడంటే ఫిమేల్ ఓరియెండెట్ సబ్జెక్టులంటే దెయ్యాల సినిమాలు వస్తున్నాయ్ కానీ.. గతంలో పోలీస్ స్టోరీలో.. ఫైటింగులు చేసే కాన్సెప్టులో ఉండేవి. అయితే.. ఇలాంటి సబ్జెక్టు కాకపోయినా.. హీరోయిన్ ప్రగ్యా జైస్వాల్ మాత్రం ఫైట్లు ఓ రేంజ్ లో ఉతికి ఆరేస్తోంది.

కృష్ణవంశీ దర్శకత్వంలో రూపొందుతున్న నక్షత్రం మూవీ శరవేగంగా సిద్ధమవుతున్న సంగతి తెలిసిందే. టాలీవుడ్ కి తన క్రియేటివిటీ చూపించేందుకు నానా పాట్లు పడుతున్న ఈ దర్శకుడు.. నక్షత్రం పేరుతో ఓ యాక్షన్ మూవీ తీసేస్తున్నాడు. ఈ మూవీలో ప్రచారంలో భాగంగా రకరకాల టెక్నిక్స్ ఉపయోగిస్తున్న దర్శకుడు.. ఇప్పుడు ఫైట్స్ కంపోజింగ్ పై ఓ వీడియో విడుదల చేశాడు. ఇందులో అందరూ తెగ ఫైట్స్ చేసేస్తున్నా.. ముఖ్యంగా చెప్పుకోవాల్సిందయితే ప్రగ్యా జైస్వాల్ గురించే. గాల్లో ఎగిరి తన్నేయడాలు.. నిలువునా గోడను ఎక్కేయడాలు.. ఇద్దరు ముగ్గురిని ఒకేసారి పడగొట్టేయడాలు.. పరుగెట్టి వెంటాడ్డం.. ఫైట్ మాస్టర్ శ్రీధర్ పై తీసిన ఈ మేకింగ్ వీడియోలో.. రకరకాల స్టంట్స్ తో అదరగొట్టేసింది ప్రగ్యా.

నక్షత్రంలో సందీప్ కిషన్- రెజీనా హీరోయిన్లయితే.. సాయిధరంతేజ్- ప్రగ్యా జైస్వాల్ లు కీలక పాత్రలు పోషిస్తున్నారు. ఈ సుకుమారే ఈ రేంజ్ లో ఇరగదీస్తే.. మరి మిగతావాళ్లు ఏ రేంజ్ లో దంచికొట్టారో?



Like Us on Facebook : https://www.facebook.com/Tupakidotcom/