రెండు లుక్స్ ఇస్తానంటున్న చైతు

అక్కినేని నాగచైతన్య నటిస్తున్న కొత్త సినిమాకి.. ఉగాది పండుగ సందర్భంగా ఫస్ట్ ఇవ్వాలని డిసైడ్ చేశారు. పండుగ రోజున అభిమానులను అలరించేందుకు ఫస్ట్ లుక్ ఇప్పటికే సిద్ధం చేసేశారు కూడా. అయితే.. ఇక్కడ అసలు ట్విస్ట్ ఏంటంటే.. ఈ లుక్ విషయంలో దర్శక నిర్మాతల మధ్య తేడాలు వచ్చేశాయట.

సోగ్గాడే చిన్ని నాయన ఫేం దర్శకుడు కళ్యాణ్ కృష్ణ దర్శకత్వంలో.. నాగ చైతన్య-రకుల్ ప్రీత్ సింగ్ జోడీగా కొత్త సినిమా రూపొందుతోంది. ఈ మూవీని అన్నపూర్ణ స్టూడియోస్ బ్యానర్ పై నాగార్జున స్వయంగా నిర్మిస్తున్నారు. ఉగాది ఫస్ట్ లుక్ విషయంలో వీళ్లిద్దరూ ఓ క్లారిటీకి రాలేకపోయారట. అందుకే డైరెక్టర్ టేస్ట్ కు తగ్గట్లుగా ఒకటి.. నిర్మాత అభీష్టానికి అనుగుణంగా మరొకటి ఫస్ట్ లుక్స్ రిలీజ్ చేయాలని డిసైడ్ చేశారు. ఈ విషయాన్ని చైతు స్వయంగా చెప్పడం విశేషం.

ఈ చిత్రానికి 'రా రండోయ్ వేడుక చూద్దాం' అనే టైటిల్ ను పరిశీలిస్తున్నాడట దర్శకుడు. ఇప్పటికే ఈ టైటిల్ రిజిస్ట్రేషన్ కూడా చేసేయడంతో.. ఇదే పేరును పండుగ రోజున ఫస్ట్ లుక్ సందర్భంగా అఫీషియల్ గా అనౌన్స్ చేసే అవకాశాలున్నాయి.


Like Us on Facebook : https://www.facebook.com/Tupakidotcom/