Begin typing your search above and press return to search.

ఎన్టీఆర్: ఫుల్ క్లారిటీ వచ్చేసింది!

By:  Tupaki Desk   |   18 Dec 2018 5:23 PM GMT
ఎన్టీఆర్: ఫుల్ క్లారిటీ వచ్చేసింది!
X
నందమూరి బాలకృష్ణ - క్రిష్ కాంబినేషన్ లో తెరకెక్కుతున్న ఎన్టీఆర్ బయోపిక్ పై ప్రేక్షకుల్లో భారీ ఆసక్తి ఉన్న విషయం తెలిసిందే. ఈ సినిమా ఒక్కభాగంలాగానే మొదట ప్లాన్ చేసినప్పటికీ ఆ తర్వాత మాత్రం 'ఎన్టీఆర్ కథానాయకుడు'.. 'ఎన్టీఆర్ మహానాయకుడు' అంటూ రెండు భాగాలుగా విడుదల చేస్తామని మొదటి భాగం జనవరి 9 వ తేదీన రెండవ భాగం జనవరి 24 న రిలీజ్ చేస్తామని ప్రకటించారు.

కానీ ఈమధ్య రెండో భాగం ఆలోచన పక్కనబెట్టారేమోనని అనుమానాలు వ్యక్తమయ్యాయి. ఎందుకంటే ఈమధ్య విడుదల చేసిన సినిమా పోస్టర్లలో 'ఎన్టీఆర్ కథానాయకుడు' 'ఎన్టీఆర్ మహానాయకుడు' అని కాకుండా జస్ట్ 'ఎన్టీఆర్' అని మాత్రమే ఉండడం ఆ అనుమానాలకు కారణం. కానీ క్రిష్ అండ్ టీమ్ తాజాగా రిలీజ్ చేసిన ట్రైలర్ రిలీజ్ డేట్ పోస్టర్లో క్లియర్ గా 'ఎన్టీఆర్ కథానాయకుడు' అని తెలిపారు. అంటే డిసెంబర్ 21 న మొదటిభాగం ట్రైలర్ రిలీజ్ అవుతుందన్నమాట.

ఈలెక్కన ఎన్టీఆర్ రెండు భాగాలుగా రిలీజ్ అవుతుంది. ప్రస్తుతం ఫోకస్ అంతా 'కథానాయకుడు' మీదే. రెండో భాగం 'మహానాయకుడు' ఫిబ్రవరి 7 న విడుదల చేయాలని ప్లాన్ చేస్తున్నట్టుగా వార్తలు వచ్చాయిగానీ అధికారికంగామాత్రం ఇంకా ప్రకటించలేదు.