ఫస్ట్ లుక్: ఎన్టీఆర్ కిరాకు పుట్టించాడు

వచ్చేశాడు జూనియర్ ఎన్టీఆర్. మామూలుగా కాదు.. బ్యాంగ్ బ్యాంగ్ లుక్ తో. త్రివిక్రమ్ శ్రీనివాస్ దర్శకత్వంలో అతను నటిస్తున్న కొత్త సినిమా టైటిల్.. ఫస్ట్ లుక్ లాంచ్ అయిపోయాయి. ఈ చిత్రానికి ఫలానా టైటిల్ అంటూ ‘తుపాకి.కాం’ అంటూ ఈ రోజు ఉదయమే ఒక వార్త ఇచ్చింది. దాాపుగా ఆ టైటిలే ఫిక్స్ చేశారు. కానీ చిన్న ఛేంజ్ ఇచ్చారు. ‘అరవింద సమేత రాఘవ’ అనే టైటిల్ పేర్కొనగా.. దాన్ని ‘అరవింద సమేత వీర రాఘవ’గా మార్చారు. ఇందులో ‘అరవింద సమేత’ అన్నదే పెద్దగా కనిపిస్తూ.. ‘వీర రాఘవ’ను జంప్ లైన్ లాగా మార్చారు.

ఇక ఎన్టీఆర్ లుక్ గురించి ఏం చెప్పాలి? నెవర్ బిఫోర్ అన్నట్లే ఉంది. ఇంతకముందు ‘టెంపర్’ సినిమాలో సిక్స్ ప్యాక్ చూపించాడు కానీ.. ఇప్పుడు మరింత పర్ఫెక్టుగా ఉంది. చేతిలో కత్తి పట్టి చాలా అగ్రెసివ్ గా కనిపిస్తున్నాడు తారక్. మాస్ కు గూస్ బంప్స్ ఇచ్చేలా ఉంది ఈ లుక్. ఈ చిత్రం రాయలసీమ బ్యాక్ డ్రాప్ లో సాగుతుందన్న ప్రచారాలకు తగ్గట్లే పోస్టర్ బ్యాగ్రౌండ్ ఉంది. కాకపోతే ఎన్టీఆర్ లుక్ కు.. సినిమా టైటిల్ కు మ్యాచ్ కావట్లేదు. లుక్ మాస్ గా ఉంటే.. టైటిల్ చాలా క్లాస్ గా ఉంది.

పూజా హెగ్డే కథానాయికగా కథానాయికగా నటిస్తున్న ఈ చిత్రానికి తమన్ సంగీతాన్నందిస్తున్నాడు. ‘హారిక హాసిని క్రియేషన్స్’ బేనర్ మీద త్రివిక్రమ్‌ తో వరుసగా సినిమాలు నిర్మిస్తున్న ఆయన మిత్రుడు ఎస్.రాధాకృష్ణనే ఈ చిత్రాన్ని కూడా ప్రొడ్యూస్ చేస్తున్నాడు. ‘అజ్ఞాతవాసి’ దారుణమైన దెబ్బ కొట్టిన నేపథ్యంలో ఈ చిత్రంపై ఇద్దరు మిత్రులు చాలా ఆశలు పెట్టుకున్నారు. ఈ ఏడాది దసరా కానుకగా ఈ చిత్రాన్ని రిలీజ్ చేయాలని భావిస్తున్నారు.