సందీప్‌ సినిమాలో మ్యాటర్ ఉన్నట్లుందే..

రన్.. ఒక్క అమ్మాయి తప్ప.. మొదలగు సినిమాల వరుస ఫెయిల్యూర్ తరువాత హీరో సందీప్‌ కిషన్‌ పెద్ద షాకే తిన్నాడు. అందుకే ఈసారి ఎలాగైనా కూడా కాస్త గాట్టి హిట్టు కొట్టాలని ఒక తమిళ సినిమాను నమ్ముకుంటున్నాడు. ఇప్పుడు ఈ సినిమా తొలి పోస్టర్ను చూస్తుంటే మాత్రం.. ఖచ్చితంగా కొడతాడనే అనిపిస్తోంది.

గతంలో పిజ్జా సినిమాను ప్రొడ్యూసర్ చేసిన నిర్మాత సి.వి.కుమార్ ఇప్పుడు దర్శకుడిగా మారాడు. ఇతగాడు సందీప్ ప్రధాన పాత్రలో తీస్తున్న సినిమా పేరు మాయావన్. ఈ సినిమా పోస్టర్ చూస్తే మాత్రం.. సినిమాలో ఏదో మాంచి థీమ్ ఉన్నట్లే అర్ధమవుతోంది. పోలీసు ఆఫీస్‌ పాత్రలో సందీప్.. అలాగే మాస్కు పెట్టుకున్న విలన్ గా కూడా మనోడే నటిస్తున్నాడని టాక్. ఈ పోస్టర్ ను చూస్తే రెండు మూడు హాలీవుడ్‌ సినిమాలు గుర్తొచ్చినప్పటికీ.. ఈ పోస్టర్లో కూడా విషయం కాస్త కనిపిస్తూనే ఉంది. అయితే ఈ మధ్య కాలంలో జాకీ ష్రాఫ్‌ నటించిన ఏ తెలుగు/తమిళ సినిమా హిట్టు కాలేదు కాబట్టి.. ఆ ప్రభావం ఏమైనా ఉంటుందేమో చూడాలి.

ఇకపోతే ఈ సినిమాతో తమిళంలో తన ఖాతా తెరవాలని చూస్తోంది స్పయిసీ అందాల సొగసరి లావణ్య త్రిపాఠి. విశేషం ఏంటంటే.. ఈ సినిమా పోస్టర్ ను నటి హన్సిక విడుదల చేసింది.