మహేష్ పై అప్పుడే రాజమౌళి ఎఫెక్ట్..

స్టార్ హీరోల్లో మహేష్ బాబు రూటే సెపరేటు. అతను మాస్ సినిమాలు మరీ ఎక్కువేమీ చేయలేదు. ఒక వేళ మాస్ సినిమా చేసినా అది కూడా క్లాస్ గానే ఉంటుంది. ఫైట్లు చేసినా.. వయొలెన్స్ ఉన్నా ఓ స్థాయి వరకే ఉంటుంది. మరి ఈ విషయంలో రాజమౌళి స్టయిలే వేరు. హీరో చేతికి ఓ స్పెషల్ వెపన్ ఇచ్చి విలన్లను తెగ నరికిస్తాడు. ఈగ లాంటి అల్ప జీవికి కూడా ఓ ఆయుధమిచ్చి విలన్ పైకి అటాక్ చేయించిన ఘనుడు రాజమౌళి. ఐతే ‘బాహుబలి’ సినిమాలో కొంచెం రూటు మార్చి విలన్ చేతికి ఓ కొత్త ఆయుధాన్నిచ్చాడు. ఐతే జక్కన్న బాహుబలి-2 తర్వాత మహేష్ బాబుతో ఓ సినిమా చేయనున్న సంగతి తెలిసిందే. ఆ సినిమాలో మహేష్ చేతికి ఎలాంటి ఆయుధాన్నిస్తాడా ఇప్పటికే చర్చ మొదలైపోయింది.

ఐతే రాజమౌళితో సినిమా చేయబోతున్న నేపథ్యంలో రిహార్సల్ గానో ఏమో.. ‘శ్రీమంతుడు’ సినిమాలో ఓ కొత్త తరహా ఆయుధం పట్టాడు మహేష్. ఆ రాడ్ బోల్ట్ రూపంలో చాలా చిత్రంగా ఉంది. ఆ ఆయుధం పట్టి విలన్లపై అటాక్ కు రెడీగా ఉన్న మహేష్ ను చూస్తుంటే అభిమానులకు పూనకం వచ్చేస్తోంది. ఈ పోస్టర్ చూడగానే మహేష్ పై అప్పుడే రాజమౌళి ఎఫెక్ట్ పడిపోయిందా అని ఆశ్చర్యం వ్యక్తం చేస్తున్నారు ఫ్యాన్స్. ఫ్యామిలీ ఎమోషన్స్, ఎంటర్టైన్మెంట్ కు తోడు యాక్షన్ కూడా కలగలిగిన అన్ని వర్గాల్నీ ఆకట్టుకునేలా ‘శ్రీమంతుడు’ తయారైందని చెబుతున్నాడు మహేష్. 1 నేనొక్కడినే, ఆగడు నిరాశ పరిచిన నేపథ్యంలో ఆగస్టు 7న విడుదలయ్యే ఈ సినిమాపై మహేష్ చాలా ఆశలే పెట్టుకున్నాడు.